Кичевската полиција денеска го привела 41-годишниот Х. Ф. од селото Горно Строгомиште, кого го барале со потерница од прилепскиот затвор за доиздржување на казната затвор во траење од една година, еден месец и 20 дена.

Како што информираат од МВР, тој бил осуден за кривично дело неовластено производство и пуштање во промет наркотични дроги.

Според полицискиот извештај, 41-годишникот веќе е спроведен во прилепскиот затвор.

Во попладневните часови на 20 октомври, на граничниот премин Ќафасан, приведен бил М. М. (42) од Република Албанија затоа што се барал со потерница од Интерпол – Италија, информираат од МВР.

Од полицијата додаваат и дека лицето е спроведено до Полициската станица Струга за натамошна постапка.

Поради сомнение за сторени четири кривични дела тешка кражба и пет дела тешка кражба во обид, охридската полиција поднесе кривична пријава против 33-годишниот Ј. Н. од овој град.

Како што информираат од МВР, тој тешките кражби ги извршил во периодот септември-октомври годинава насилно влегувајќи во куќи во Охрид.

Притоа, одземал златен накит, мобилни телефони и други вредни предмети, со што стекнал противправна имотна корист од речиси 200.000 денари.