Два лица пукале кон полициски службеник кој се обидел да ги спречи при разбојништво во Топанско поле.

„Во СВР Скопје е пријавено дека во 17 часот на улицата Методија Митевски пред продажен објект, полицискиот службеник кој во моментот не бил на работа, се обидел да запре две лица за кои се посомневал дека ќе извршат кривично дело во објектот. Кон него бил испукан проектил од огнено оружје. Полицаецот се здобил со повреда во раката и бил префрлен во здравствена установа за укажување на лекарска помош”, информира МВР.

Страотна сообраќајка се случи вечерва во скопската населба Бутел. Момче и девојка кои се наоѓале во возило со тетовски регистарски таблички, излетале од улицата по која се движеле, ја пробиле заштитната ограда и се превртеле на новиот дел од булеварот „Христијан Тодоровски Карпош“ во Бутел.

Сведоци раскажуваат дека во возилото имало момче и млада девојка кои со возило на Брза помош веднаш биле пренесени во болница. На местото на несреќата е присутна полицијата и возило на Противпожарната единица.

Надлежните се обидуваат да го исправат превртеното возило кое што го блокира сообраќајот на булеварот.

Возачот излетал од сервисната уличка што порано го спојуваше булеварот со улицата Цетињска, не сега не се користи откако е изграден булеварот. Таа е повисока три метри од булеварот. Возилото откако излетало од патот, се превртело на лентата на булеварот во насока кон Центар.

Изутринава во 5.30 часот во СВР Скопје, К.Ц. пријавил дека околу 4.30 часот во населбата Шуто Оризари, додека управувал такси возило, три лица со физичка сила му одзеле пари, мобилен телефон и таблет. Се преземаат мерки за расчистување на случајот.