Полицијата во Кочани денеска уапси две лица осомничени за кражби.

Според информациите на МВР, приведени се М. К. (24) и Џ. К. (19).

М. К. е приведен поради сомнение дека е извршител на тешка кражба на дрзок начин и тешка кражба во обид. Тој на 20 овој месец украл паричник од жена, а на 22 се обидел од оштетената да украде мобилен телефон, но не успеал. Кај Џ. К., пак, при преглед била пронајдена украдена платежна картичка.

При претрес во домот на М. К. бил пронајден украдениот паричник. Покрај тоа, М. К., по добиена судска наредба, бил спроведен во затвор за издржување затворска казна. По комплетирање на случаите, ќе следува соодветна кривична пријава.

Полицијата затекна гости во пекарница во Гостивар, а сопственикот е приведен.

Според информациите на МВР, утрово, во 10.05 часот, полициски службеници го привеле И. Е. (48) од с. Форино, сопственик на пекарница на улицата Илинденска, постапувајќи по претходна пријава дека во локалот има гости што биле послужувани.

Тој бил приведен во полициска станица и ќе биде поднесена соодветна пријава, а од страна на Државен пазарен инспекторат локалот бил пломбиран.

63-годишен скопјанец бил приведен откако истражните органи за него распишале централна потерница.

Од Министертсвото за внатрешни работи известуваат дека денеска во 14:10 часот, од страна на полициски службеници од Сектор за меѓународна полициска соработка – Отсек за потрага, врз основа на издадена централна потерница од МВР и добиена судска наредба, на ул. Ѓорче Петров е лишен од слобода Р.С.(63) од Скопје, за издржување казна затвор од две години казниво по Кривичниот законик.

Лицето со иницијали Р.С. бил предаден во полициска станица за понатамошна постапка.