Полициските службеници во изминатите два дена лишија од слобода тројца возачи во Македонска Каменица, Кратово и Куманово поради сериозни прекршоци во сообраќајот.

На улицата „Александар Македонски“ во Македонска Каменица, вчера околу 23 часот полицијата го привела Д.Ј. (54) откако управувал возило „Хјундаи“ под дејство на алкохол. Измерени му биле 2,00 промили алкохол во крвта.

Неколку часа подоцна, однсно ноќеска во 1:59 часот, на улицата „Гоце Делчев“ во Кратово, лишен од слобода е Д.К. (25) кој управувал „Ауди“ со кочански регистарски ознаки. Тестирањето покажало присуство од 1,72 промили алкохол.

Во Куманово, на регионалниот пат кај селото Доброшане, вчера во 14:10 часот, полицијата го привела И.М. (45) кој управувал „Мицубиши“ со брзина од 91 километар на час, на делница каде максимално дозволената брзина е 40 километри на час.

Од МВР соопштија дека по целосно документирање на случаите, против тројцата ќе бидат поднесени кривични пријави за „безобѕирно управување со моторно возило“.

Во СВР Охрид утрово било пријавено дека во Општата болница во Охрид е донесен 34-годишниот С.М. од Охрид, кај кого биле констатирани повреди нанесени со остар предмет, соопштува МВР.

Пријавата била поднесена на 30 ноември 2025 година во 07:45 часот.

Од полицијата информираат дека се преземаат мерки за целосно расчистување на случајот и утврдување на околностите под кои настанале повредите.

Двајца млади мажи од Скопје се приведени синоќа откако го нарушиле јавниот ред и мир со меѓусебна физичка пресметка во централното градско подрачје, информира МВР.

Инцидентот се случил на 29 ноември 2025 година околу 23:55 часот, кога полициски службеници од СВР Скопје ги привеле А.Д. (25) и Ф.Н. (26), двајцата од Скопје.

Од МВР додаваат дека по целосно документирање и расчистување на случајот ќе следува соодветен поднесок против лицата.