Црна хроника
Разбиена група на измамници од Скопје со разработена шема за одземaње на возила

Одделението за криминалистички работи oд Единицата за внатрешни работи Аеродром и Драчево при СВР Скопје до надлежното Основно јавно обвинителство поднело кривична пријава против Р.А. (27), поради сомневање дека сторил шест кривични дела „измама“, како и против М.А. (18), К.К.(29) и Н.А.(29), поради сомневање дека сториле по три кривични дела од истиот вид, при што се стекнале со противправна имотна корист од околу 5.472.790 денари.
Како што соопшти МВР, пријавените измамите ги извршиле на идентичен начин, и тоа откако претходно ќе забележале објавен оглас за продажба на поскапи возила, се јавувале на објавениот телефонски број од огласот и во контакт со
продавачите се договарале да се сретнат на претходно одреден нотар, поради купопродажба на возилото.
По остварената средба кај нотарот, пријавените лица се договарале со оштетениот во спогодбата да се наведе сума на пари која нема да ја надмине законската регулатива за плаќање во готово, додека останатиот дел од сумата да бидат исплатени на рака.
По потпишување на договорот, пријавените лица ги носеле оштетените на различни места со изговор дека ќе дојде трето лице кое ќе ги донесе останатите пари, но во даден момент, искористувајќи го невниманието на оштетените, им ги земале клучевите и заминувале со возилото.
Во врска со овие случаи поднесена е и кривична пријава против други шест сторители за седум кривични дела „прикривање“ и едно кривично дело „помагање“ и тоа против А.Н. (44) од Арачиново, Р.С. (30), Н.И. (24), М.А. (23), Р.Ш. (28) и Х.Ч. (56), сите од Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Куќен притвор за 16-годишникот што му ја повреди главата и му го нагмечи мозокот на хирургот Ѓорѓи Јота

Судија определи куќен притвор и одземање на пасошот за 16-годишникот кој управувајќи возило без возачка дозвола, го прегази хирургот Ѓорѓи Јота, кој се здоби со тешка повреда на главата.
„Иако немал возачка дозвола, тој управувал автомобил БМВ Х6 по булеварот „Мајка Тереза“ во Скопје и кога дошол на раскрсницата со улицата „Елисие Поповски Марко“ не ја приспособил брзината на движење на возилото спрема својствата и состојбата на патот, односно наближувајќи кон обележан пешачки премин не го управувал автомобилот со брзина која би му овозможила да запре и да ги пропушти пешаците. Така, тој со возилото удрил во пешак кој во тој момент поминувал по пешачкиот премин“, информираат од Обвинителството.
Од ударот, хирургот Јота се здоби со тешки телесни повреди поради кои се наоѓа во животно-загрозувачка состојба.
Детето веднаш по несреќата го напуштило местото на настанот без да му укаже помош.
Црна хроника
Тетин се обидел да ги силува внуките

Тетин се обидел да изврши обљуба врз своите внуки, соопшти полицијата.
Случајот во МВР го пријавила мајката на девојчињата.
„На 26.02.2021 во 13.30 часот во Полициската станица Гази Баба, 42-годишна жена од Скопје пријавила дека Б.Н., тетин, се обидел да изврши обљуба врз нејзините две ќерки“, соопшти МВР во дневниот билтен.
Се преземаат мерки за расчистување на случајот.
Црна хроника
Пукање кај поликлинката во Чаир

Синоќа во 1.30 часот по полноќ, на паркингот зад Поликлиника Чаир, едно лице го нарушило јавниот ред и мир со пукање од огнено оружје.
„Полициски службеници извршиле увид на местото, при што пронашле осум чаури“, јави МВР.
Се преземаат мерки за расчистување на случајот.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Свет4 недели
Поради примање мито во Кина погубен поранешен државен функционер