Приведен 27-годишен скопјанец, за кого била распишана централна потерница за издржување затворска казна.

М.Т. е осуден на казна затвор за сторени кривични дела по член 236, по член 215 и по член 383 од Кривичниот законик. Тој бил приведен во Полициска станица Струга, по што ќе биде спроведен во казнено-поправна установа за издржување на казната.

Полициски службеници од Полициската станица за Граничен надзор „Охридско Езеро“, во соработка со Одделението за прекуграничен криминал при РЦ за гранични работи Запад при БЈБ, во координација со Основното јавно обвинителство Струга, синоќа на регионалниот пат Струга-Охрид, во близина не месноста Сатеска кај Струга, на брегот на езерото, приведоа две лица, во чија непосредна близина се пронајдени четири торби со марихуана во вкупна тежина од околу 80 килограми, во вредност од околу 250.000 евра.

По извршениот увид на лице место од страна на увидна екипа, пронајдената дрога е подигната за вештачење, а по насоки на ОЈО Струга ќе биде поднесена кривична пријава, поради постоење на основано сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“, по член 215 од Кривичниот законик.

Министерството за внатрешни работи во текот на вчерашниот ден (31.07.2021) продолжи со засилените акциски контроли во областа на сообраќајот.

На територијата на град Скопје изречени се вкупно 158 мерки, меѓу кои за возење повеќе од дозволената брзина 59 санкции, 22 за возење под дејство на алкохол, 13 за возење без возачка дозвола.

Изречени се девет мерки за технички неисправни и нерегистрирани возила, 13 за прекршоци што ги чинат возачите на мотоцикли.

МВР апелира до граѓаните да ги почитуваат сообраќајните правила и прописи за да ја зголемат безбедноста во сообраќајот и заедно да придонесат за посигурни патишта.