Црна хроника
Притвор за скопјанец кој склучувал лажни купопродажни договори за возила

Кривична пријава против триесет и двегодишен скопјанец, поради основи на сомнение дека во временскиот период од месец мај, јуни и јули годинава сторил кривичнo делo „измама“. Од страна на судија од претходна постапка нему му е одредена мерка притвор во траење од 30 дена .
„Пријавениот со намера за себе да прибави противправна имотна корист, со лажно прикажување на факти како ополномoштено лице со полномошна и двете заверени на нотар а дадени од страна на лицето М.А. како управител на правните лица ‘Итал церамик’ ДОО од Скопје и ДПТУ „Мет трејд“ ДООЕЛ од Скопје измамил 17 лица, правејќи обврски (набавки) во име на посочените фирми, иако знаел дека двете фирми не ќе можат да ги подмират нарачаните набавки, и да ја платат купената стока и услуги. Притоа, истовремено при добивањето на полномошната, А.Љ доставил податоци од лична карта што тој претходно веќе ја пријавил за изгубена“, соопшти МВР.
Сите 17 кривични дела А.Љ. ги извршил на идентичен начин.
„Во својство на полномошник на правните лица ги навел оштетените да склучуваат и потпишуваат договори за купопродажба на половно моторно возило кај нотари во Скопје, а договорениот износ не им го платил. Исто така договорите за купопродажба на патничките возила пријавениот не ги евидентирал сметководствено во правните лица во чие име и за сметка како полномошник ги купил возилата, не прикажал обврски за плаќање по однос на склучените договори. Спротивно од тоа, А.Љ. истиот ден или наредните денови по склучување на договорите, веднаш ги препродавал возилата како полномошник на правните лица со склучување и заверување на нотарски договори за купопродажба на моторни возила со други физички лица како купувачи“, додава МВР.
Примените парични средства од продажбата на возилата обвинетиот не ги прокнижил во сметководството на правните лица, туку ги присвоил за себе, наедно оневозможувајќи им на оштетените лица на кои не им го платил договорениот купопродажен износ за возила да поведат постапка за раскинување на договорите за купопродажба на возилата поради неисплаќање на договорниот износ. Со овие измами А.Љ. се стекнал со противправна имотна корист од 4.733.700 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Приведен дилер од Скопје кај кого е пронајдена дрога

37-годишен скопјанец е приведен откако при претрес во неговиот дома пронајдена била дрога.
Според информаациите од МВР, денеска полициски службеници од СВР Скопје-Единица за недозволена трговија со дрога го приведоа А.М. (37) од Скопје.
При претрес во дом во Скопје, кај А.М. се пронајдени 61 пакувања и една тегла со марихуана.
Тој е приведен во полициска станица и до надлежното обвинителство е поднесена соодветна кривична пријава, по што од судија му е одредена мерка оритвор од 30 дена.
Црна хроника
Струмичанец со тврд предмет нападнал жена и се обидел да изврши обљуба врз неа

64-годишен струмичанец физички нападнал 43-годишна жена, удирајќи ја со тврд предмет по што се обидел да изврши обљуба врз неа.
Според информациите од МВР, денеска во полициска станица во Струмица бил извршен службен разговор со Е.Т.(64) од с.Самоилово, постапувајќи по пријава од 27.03.2023 во 11.30 часот според која на 24.03.2023 околу 14.00 часот, во атар на с.Самоилово, струмичко, кај место викано „Караван“, тој со тврд предмет физички нападнал 43-годишна жена од струмичко село и се обидел да изврши обљуба врз неа.
По целосно расчистување и документирање на случајот ќе биде поднесен соодветен поднесок.
Црна хроника
298 санкции за сообраќајни прекршоци, 17 возила упатени на вонреден технички преглед

Вчера, во периодот од 10 до 14 часот, од страна на секторите за внатрешни работи и патролни тимови, составени од полициски службеници од Одделот за униформирана полиција, била спроведена акциска контрола во областа на сообраќајот на територијата на целата држава, при што биле изречени 298 казни за сообраќајни прекршоци.
При контролата санкционирани се 17 возачи за возење без возачка дозвола, а 17 возила биле упатени на вонреден технички.
Полицијата апелира до граѓаните да ги почитуваат сообраќајните правила и прописи за посигурни патишта.