Двајца мажи почнале расправија што кулминирала кога едниот од нив извадил нож и почнал да се заканува.

Како што соопшти МВР, настанот се случил еден час пред полноќ во скопско казино.

„На 18.11.2018 година во 23.05 часот во СВР Скопје било пријавено дека во казино на улицата Иван Козарев во Скопје дошло до расправија помеѓу А.Ш. (29) од Штип и С.Ц. (23) од Скопје по што А.Ш. извадил нож и му се заканувал на С.Ц.“, се вели во полицискиот билтен за овој случај.

Веднаш биле преземени соодветни мерки од страна на полициски службеници и 29-годишниот маж бил приведен.

Полициската станица Струга поднесе кривична пријава против Н.С. (49) од дебарското село Мал Папрадник поради постоење основи на сомнение за сторено казнено дело несовесно работење во службата, М.А. (51) од тетовското село Желино за казненото дело соизвршителство и против А.К. (23) од струшкото село Велешта за казненото дело фалсификување и уништување деловни книги.

Првопријавениот вработен во Јавното претпријатие „Македонски шуми – Стогово“ како референт овластен да издава испратници и да жигосува дрва, му овозможил на второпријавениот, во негово отсуство, неовластено да жигосува огревно дрво бука во количина од 24 просторни метри. Третопријавениот, како управител на фирма, иако знаел за нивниот меѓусебен договор, сепак издал испратницата за транспорт на дрвата со невистинита содржина и со печат од фирмата ги заверил потребните документи.

СВР Битола поднесе кривична пријава против Б.К. (47) од Битола поради постоење основи на сомнение за сторено кривично дело вршење јавен превоз без лиценца. На 20.10.2018 година, околу 15.00 часот, во Битола, полициски службеници го затекле пријавениот при истовар на огревни дрва од товарно возило, негова сопственост, при што било утврдено дека со возилото вршел јавен превоз на дрвни сортименти без соодветна лиценца издадена од Министерството за транспорт и врски.