Како Влада, силно веруваме дека економијата расте тогаш кога граѓаните имаат поддршка да создаваат, да иновираат и да стануваат претприемачи, затоа мерката за самовработување, како дел од Оперативниот план, е една од најатрактивните и најуспешните програми во државата, вели премиерот Христијан Мицкоски.

„Оваа година го имаме најголемиот интерес досега – стигнаа вкупно нешто повеќе од 6.000 апликации, што е силен индикатор дека граѓаните имаат желба, знаење и самодоверба да изградат сопствен бизнис, а државата им стои зад грб со конкретна и рекордна финансиска поддршка. До овој момент се издадени 2.916 ваучери за изработка на бизнис план, а оценети се 2.681, при што 1.140 се за млади до 29 години, 912 за лица над 29 години, а 629 за правни субјекти регистрирани како друштва со ограничена одговорност.

Во моментот 2.545 лица веќе се во процес на потпишување договори за грант, по што ќе следи дводневната обука што им помага посигурно да тргнат во претприемачките води“, информира Мицкоски.

Од вкупно 6.045 апликации, 3.296, како што рече, се од млади лица под 29 години.

„Финансиската поддршка е значително зголемена: 7.000 евра за лица над 29 години или 14.000 евра ако се здружат во ДОО, и 10.000 евра за млади до 29 години или 20.000 евра ако се здружат во ДОО. Ова не се само бројки – ова се нови бизниси што ќе отворат нови занаетчиски работилници, ИТ-стартапи, услуги, производствени мали фирми, нови можности за развој и зајакнување на целата економија. Мерката за самовработување е дел од Оперативниот план за 2025 година кој тежи над 2,5 милијарди денари или 40 милиони евра, што е за 7,5 милиони повеќе од минатата година и претставува рекорден износ на поддршка. Со овој план во 2025 ќе бидат опфатени 16.507 лица – најголем опфат досега, што е јасен доказ дека државата инвестира во најголемата сила што ја има, а тоа се граѓаните“.

Министерството за економија и труд заедно со Агенцијата за вработување предложиле ревизија на Планот, при што се прераспределени дополнителни 300 милиони денари, кажа Мицкоски.

„Со тоа се додадоа уште 161 милион денари обезбедени преку ребалансот на Буџетот, само со една цел: ниту еден потенцијален претприемач да не остане без шанса“.

Оваа мерка како што оценува Мицкоски е силен инструмент во стратешката борба против невработеноста.

„Наместо пасивни мерки и чекање на пригодни околности, ние ја менуваме филозофијата – од држава која само обезбедува социјална поддршка, се претвораме во држава која создава можности, охрабрува личен напредок, поттикнува храброст и им дава на луѓето алатки за да станат самостојни.

Самовработувањето создава работни места таму каде што нема големи фабрики, отвора перспективи во руралните средини, ги активира младите, ги зајакнува жените претприемачи и им овозможува на секој со добра идеја да ја претвори во успешна економска приказна“.

Обвинителството извести дека е извршен увид на лице место, дадени се повеќе насоки и наредби со цел откривање на сторителите поради сомненија дека смртта на 42-годишникот пронајден во атарот на селото Нераште, е резултат на кривично дело.

„Дадена е наредба за обдукција, наредба за подигање на возилото и други траги од лице место на кои ќе се врши вештачење, наредба за обезбедување на снимки од видео надзор, како и други докази. По наредбите се постапува“, соопштуваат од Обвинителството.

Вчера во попладневните часови тетовската полиција пронајде безживно тело на 42-годишник, жител на Тетово, кој бил пријавен како исчезнат од својата сопруга.

Според информациите од СВР Тетово, полициски службеници од Полициското одделение Теарце го забележале возилото „ауди“ во атарот на селото Нераште.

Во автомобилот било пронајдено машко лице без знаци на живот, со прострелна рана во пределот на главата и видлива дупка од куршум на возачкото стакло.

Во координација со Основното јавно обвинителство Скопје во тек е полициска акција со претреси во Скопје, Куманово и на други локации, поради сомненија за кривично дело злоупотреба на службена должност.

Обвинителството најави повеќе информации по завршување на акцијата.