Сојузот на Синдикатите на Македонија (ССМ) денес испрати уште еден повик до работниците утре во 9 часот да излезат на протест за минимална плата 600 евра и 100 евра зголемување на сите останати, со блокада на Собранието. Работниците ќе ги блокираат булеварот 11 Октомври и улицата Даме Груев по кои пратениците можат со автомобил да дојдат до Собранието. Ќе бидат пропуштани само возилата на Итната медицинска помош, Противпожарната бригада и полицијата.

„Пратениците цела година молчат за предлогот на ССМ за зголемување на минималната плата и за зголемување на сите останати плати. За да ги заштитиме интересите на работниците, работниците бараат минималната плата веднаш да се зголеми на 600 евра, а останатите плати да се зголемат за најмалку 6.000 денари или за разликата од зголемувањети на минималната плата ( од сегашната минимална плата и новата минимална плата). Пратениците се глуви на работничките барања за зголемување на работничките плати, а работниците им дале мандат да уживаат во луксузот со 79% зголемени плати кои дополнително ќе се зголемат за 12,6 % доколку Уставниот суд  ја укине Уредбата на Владата од минатата година и ќе се зголемат за 9,2% колку што пресмета Гувернерот на Народната банка дека изнесува порастот на просечната плата за 2025 година или ќе добијат вкупно 21,8% зголемување на нивните плати. Најмалку 250 евра за пратениците, а ни 25 евра за раборниците е срамно“, стои во денешниот повик од ССМ.

Синдикатот потсетува дека истите пратеници кои уживаат право на собраниско бифе по ниски цени и трошоци за патување до нивното работно место е нешто што им го скратиле на работниците и нешто што не им го утврдуваат како право на храна и превоз на работниците.

„Пратениците први ќе се соочат со работничкиот гнев, а преку блокадата ќе ги оневозможиме тој ден да наплатат патни трошоци кои надминуваат и 100 евра за еден ден, да дојдат пешки или со градски превоз онака како што одат на работа работниците. Ги потсетуваме дека не само што мораат итно да гласаат за зголемување на минималната плата и за згомемување на сите останати плати, мораат да гласаат и за намалување на функционерските плати по иницијативата на ССМ“, повикува ССМ.

Доколку и понатаму молчат, ССМ ќе премине на собирање 10.000 потписи за да ги намали платите на пратениците, а да ги зголеми работничките плати.

ССМ се извини на граѓаните кои ќе имаат потреба да се движат во периодот на блокадата по булеварот 11 Октомври и улицата Даме Груев и нагласи дека секој итен случај ќе биде пуштен да помине.

„Заев, основачот на марихуана бизнисот во Македонија, не спие мирно. Немирната совест го натера Заев на панични реакции уште во неделата рано изутрина. Нервозната реакција е јасен знак дека Заев се чувствува директно погоден и разоткриен, откако вистината почна да излегува на виделина“, велат од ВМРО-ДПМНЕ.

„Факт е дека токму владата предводена од Заев го постави темелот на бизнисот со марихуана во Македонија. Околу 70% од запленетата дрога е поврзана со фирма блиска до СДС, „ЦБД Медплант“, чиј основач е Тони Котев (Мгчев), поранешен претседател на општинскиот одбор во Ново Село, човек поврзан со Вице Заев. Фирмата, формално во сопственост на неговиот син, за помалку од шест месеци испорачала 19 тони марихуана.

Фирмата на Мгчев добива одобрение за работа во време кога владата ја предводеше Заев, а Филипче беше министер за здравство, поточно во 2020 година.

ВМРО-ДПМНЕ уште тогаш укажуваше дека лиценците за одгледување марихуана за медицински цели се доделувале исклучиво на фирми блиски до власта, а не според законски услови.

Медицинската марихуана била параван за организиран криминал во огромни размери.

Јавноста има право да знае и зошто Заев лично се интересирал за случајот со петте тони марихуана запленети во Србија.

Апелираме до Јавното обвинителство да ја истражи вмешаноста на Заев и Филипче во овој случај и да ги објави сите сознанија. Борбата против криминалот е јасна, а на наркокартелот на Заеви му доаѓа крајот“, се наведува во соопштението на ВМРО-ДПМНЕ.

Најновото објавување на милиони документи од Министерството за правда на САД поврзани со осудениот педофил Џефри Епстин фрли нова светлина врз односите што тој ги изградил со влијателни поединци, вклучувајќи многумина во американската технолошка индустрија.

Иако во последните недели јавноста беше насочена кон технолошкиот могул Илон Маск и коосновачот на Мајкрософт, Бил Гејтс, кои негираа каква било поврзаност со злосторствата на Епстин, новообјавените досиеја покажуваат дека врските на Епстин во Силиконската долина биле многу пошироки.

Меѓу имињата што се појавуваат постојано во документите се коосновачот на Google, Сергеј Брин, инвеститорот Питер Тил, поранешниот извршен директор на Microsoft, Стивен Синофски, и коосновачот на LinkedIn, Рид Хофман, објави CNBC.

Иако врските на директорите со Епстин беа претходно познати, новите документи, кои вклучуваат е-пошта, распореди и фотографии, откриваат повеќе детали за нивната поврзаност со осудениот сексуален престапник.

Брин и Синофски не ги коментираа обвинувањата, додека Тил и Хофман рекоа дека се поврзувале со Епстин само за легитимни цели.

Властите нагласија дека самото споменување во досиејата не претставува доказ за кривично дело. Сепак, документите помагаат да се создаде поцелосна слика за долгогодишните напори на Епстин да се инфилтрира во најмоќните кругови на Силиконската долина пред неговата смрт во 2019 година.

Питер Тил, ризичен капиталист и коосновач на Палантир и Пејпал, исто така се појавува во досиејата на Епстин, а најновите документи откриваат преписка што се одвивала меѓу нив од приближно 2014 до 2019 година, само неколку месеци пред апсењето на Епстин.

Комуникацијата продолжила долго откако Епстин бил првпат обвинет за сексуални злосторства во 2006 година.

Во недатиран снимен разговор со поранешниот израелски премиер Ехуд Барак, Епстин го споменува Тил и го советува Барак како да ги искористи своите врски за да добие позиција во Палантир, додавајќи дека се надева дека наскоро ќе се сретне со Тил.

Е-поштата потврдува дека се сретнале, а преписката вклучува состаноци за планирање, дискутирање за кампањата на Трамп и неформални пораки, при што тимот на Тил пред еден состанок му ги испратил и неговите преференциите за храна до персоналот на Епштајн.

Документите, објавени во ноември 2025 година, исто така покажуваат дека Епстин го поканил Тил да ги посети „Карибите“, но претставник на Тил изјави за CNBC дека инвеститорот никогаш не го посетил озлогласениот приватен остров на Епштајн. Според извештајот на „Њујорк тајмс“, Епстин инвестирал 40 милиони долари во два фонда управувани од компанијата на Тил во 2015 и 2016 година.

Во подкаст од август 2024 година, Тил потврди дека се сретнал со Епстин неколку пати од 2014 година, откако ги запознал Рид Хофман, и дека разговарале за даночни и финансиски совети.

Тој рече дека ја потценил сериозноста на злосторствата на Епстин поради неговата блага казна од 2008 година и неговата доверба во пресудата на заедничките познаници.

Рид Хофман, коосновач на LinkedIn
Во документите често се споменува и Рид Хофман, коосновач на LinkedIn, а преписката покажува пријателска размена на е-пошта. Иако голем дел од преписката се фокусираше на собирање средства за Media Lab на МИТ, таа исто така вклучуваше лични интеракции, даночни совети, закажување состаноци и споменувања за подароци што Хофман му ги испратил на Епстин.

Документите потврдуваат дека Хофман го посетил приватниот остров на Епстин во 2014 година, посета што тој претходно ја признал, наведувајќи дека патувањето било од филантропски цели и дека жали што не направил повеќе истражување за Епстин.

Е-поштата, исто така, открива планови за дополнителни посети на имотите на Епстин во Ново Мексико и Менхетен, иако не е јасно дали овие посети се реализирале.

Епстин го нарекол Хофман „многу близок пријател“, а преписката покажува и дека се обидел да му помогне со можностите за инвестирање во Индија.

Е-пошта од 2015 година споменува вечера што Хофман ја организирал во Пало Алто, на која присуствувале Марк Цукерберг, Илон Маск, Питер Тил и научникот од МИТ, Ед Бојден. Хофман потоа ги поврзал Цукерберг и Епстин преку е-пошта.

Мета за CNBC изјави дека Цукерберг не комуницирал со Епстин од вечерата. Хофман не одговорил на барањето за коментар, но претходно изразил жалење за неговите интеракции со Епштајн и повикал на целосно откривање на документите.

Минатиот ноември, претседателот Доналд Трамп му нареди на Министерството за правда да го истражи Хофман, голем донатор на демократите, како и Бил Клинтон и Лари Самерс, во она што критичарите го оценија како обид да се одвлече вниманието од врските на Трамп со Епстин.

Сергеј Брин, коосновач на Google
Поднесоците, исто така, содржат повеќекратни референци за коосновачот на Google, Сергеј Брин. Во еден ланец од е-мејлови од април 2003 година, Брин комуницира со Гислен Максвел, долгогодишната партнерка на Епстин, за можна вечера во имотот на Епстин во Њујорк.

„Вечерата кај Џефри е секогаш среќно лежерна и опуштена. Се радувам да ве видам“, напиша Максвел. Брин не одговори на барањето за коментар. Според тужбата поднесена од Американските Девствени Острови против JPMorgan Chase, Епстин наводно го препорачал Брин на банката во 2004 година.

Во март 2023 година, Брин, исто така, добил судска покана да достави документи поврзани со деловните зделки на Епстин со JPMorgan.

Во судските документи од 2024 година поврзани со тужбата против Максвел, обвинителката на Епстин, Сара Ренсом, изјави дека се сретнала со Брин и неговата тогашна свршеница, Ен Војцицки, на островот на Епстин.

Брин се повлече од функцијата претседател на Алфабет, матичната компанија на Гугл, во декември 2019 година, но се врати на активна работа на проекти за вештачка интелигенција кон крајот на 2023 година.

Стивен Синофски, поранешен извршен директор на Мајкрософт
Новите поднесоци откриваат и повеќе детали за односот помеѓу Епстин и Стивен Синофски, поранешен извршен директор на Мајкрософт одговорен за клучни производи како што се Windows и Office. Документите покажуваат дека Синофски побарал совет од Епстин за условите за неговото заминување од Мајкрософт во 2012 година.

Во септември 2013 година, откако Мајкрософт објави детали за неговиот пакет за отпремнина од 14 милиони долари, Синофски му испратил на Епстин е-пошта со пораката: „Јас сум платен. И ти ќе бидеш :)“. Тие продолжиле да комуницираат до 2018 година, разговарајќи за финансии, кариери и социјални настани.

Во еден е-мејл од 2012 година, Епстин се чини дека споменува договарање состанок помеѓу Синофски и Тим Кук од Apple во врска со деловна можност. Синофски и Apple не коментираа за обвинувањата.

Во меѓувреме, односот на Бил Гејтс со Епстин беше под лупа, откако беа објавени нацрти од е-поштата на Епстин во кои тој сугерира дека му помогнал на Гејтс да организира вонбрачни афери.

Во интервју за австралиската емисија „9News“, Гејтс ги нарече тврдењата „апсолутно апсурдни и целосно лажни“, нагласувајќи дека неговите средби со Епстин биле ограничени на вечери за филантропија, дека тој „никогаш не бил на островот“ и дека „никогаш не сретнал ниту една од овие жени“.