Работник на ЈП „Комунална хигиена“ Скопје пријавил дека бил физички нападнат од свој колега додека извршувал работни задачи на подрачјето на општина Карпош, соопшти Министерството за внатрешни работи.

Според пријавата, инцидентот се случил вчера околу 16 часот, кога врз него физички напад извршил неговиот колега А.Н. (35) од селото Грчец, при што бил употребен и тврд предмет.

Од МВР информираат дека по целосно документирање на случајот ќе биде поднесен соодветен поднесок.

Жена на возраст од 46 години била повредена за време на концерт во Културно-информативниот центар во Скопје, кога врз неа паднала решетка од вентилација, соопшти Министерството за внатрешни работи.

Според пријавата што синоќа околу 23:15 часот пристигнала во СВР Скопје од Ургентниот центар, настанот се случил околу 22 часот, кога посетителката М.И. од Скопје била донесена со телесна повреда предизвикана од паднатата решетка од таванот додека траел концертот.

Од МВР информираат дека се преземаат мерки за целосно расчистување на случајот.

Млади момчиња од Прилеп се сомничат за напад врз едно лице на градскиот плоштад.

Според информациите од полицијата, станува збор за четири лица – двајца полнолетни, К.С. (19) и А.Р. (24), и двајца малолетници на возраст од 17 години.

Од Министерството за внатрешни работи информираат дека инцидентот се случил на 25 септември 2025 година на плоштадот „Методија Андонов Ченто“ во Прилеп, кога пријавените физички нападнале едно лице и му нанеле тешка телесна повреда.