Црна хроника
Тешко повреден пешак во Битола
Седумдесет и двегодишна жена е тешко повредена откако во неа удрил автомобил во Битола.
Според информациите на МВР, несреќата се случила вчера на крстосница од ул.„Филип Втори Македонски“ и ул.„Столарска“ во Битола, кога возило „сузуки свифт“ со битолски регистарски ознаки, управувано од С.М.(73) од с.Дедебалци, општина Могила, удрило во пешакот С.А.(72) од Битола.
Во несреќата со тешки телесни повреди се здобила С.А., констатирани во Клиничка болница Битола. Увид на местото извршила екипа од СВР Битола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Судир меѓу „мерцедес“ и мопед на Партизанска, тешко повреден 17-годишник
Синоќа во полицијата било пријавено дека на булеварот „Партизански одреди“ во Скопје се случила сообраќајна несреќа помеѓу патничко возило „мерцедес“ со скопски регистарски ознаки, управувано од Х.Д.(25) и мопед со скопски регистарски ознаки, управуван од 17-годишник, двајцата од Скопје.
Во несреќата со тешки телесни повреди се здобил 17-годишен сопатник кој се превезувал на мопедот. Повредите биле констатирани во Градската општа болница „Св. Наум Охридски“ во Скопје.
Извршен бил увид од увидна екипа на СВР Скопје.
Црна хроника
Струмичанец измамил постари жени со приказна за „итна операција“, приведен со 15.000 евра кај себе
38-годишниот О.В. од Струмица е приведен под сомнение дека учествувал во серија измами на постари лица, користејќи лажна приказна за итни операции на блиски роднини. Кај него се пронајдени над 15.000 евра и 50 швајцарски франци, за кои се верува дека се стекнати со криминални активности.
Според информациите од полицијата во овој град, осомничениот во два случаи успеал да измами 84-годишна и 68-годишна жена од Струмица, а во трет случај бил спречен да ја измами 77-годишна жена. Измамите се случувале преку телефон, каде друго лице ѝ се јавувало на жртвата претставувајќи се како медицински работник. Со тврдења дека е неопходна итна операција на нивна ќерка или снаа, жртвите биле убедени да предадат пари.
Откако ќе се договорел со жртвите, О.В. доаѓал на локациите што му биле кажувани и ги подигал парите. Полицијата го уапсила вчера напладне, а во моментот на приведување биле пронајдени 15.150 евра и 50 франци.
Во службен разговор, О.В. го признал начинот на кој ги извршувал делата. Случајот е пријавен во Обвинителството, и по негово целосно документирање, против него ќе биде поднесена кривична пријава.
Надлежните повторно апелираат до граѓаните, особено повозрасните, да бидат внимателни при телефонски контакти со непознати, да не веруваат во итни приказни без проверка, да не предаваат пари на непознати лица и секој сомнителен случај веднаш да го пријават.
Црна хроника
Двајца млади возачи фатени без дозвола во Струга и Кичево, одземени им се возилата
Во два одделни случаи, полицијата во Струга и Кичево привела млади возачи кои управувале возила без положен возачки испит. На двата инцидента им претходеле рутински контроли во сообраќајот, по што возилата им биле одземени.
На 8 февруари околу 02:55 часот, на регионалниот пат Подмоље–Струга, полициски службеници го сопреле патничко возило „Фолксваген Поло“ со струшки регистарски таблички. При проверката било утврдено дека возилото го управувал 20-годишниот А.З. од селото Франгово, без да има положено возачки испит. По насока на јавен обвинител, возилото е одземено, а по целосно документирање на случајот ќе биде поднесена соодветна пријава.
Сличен инцидент се случил и претходната ноќ, на 7 февруари, исто така во 02:55 часот, на улицата „Борис Кидрич“ во Кичево. Полициска патрола запрела патничко возило „Мерцедес“ со кичевски регистарски ознаки, управувано од 21-годишниот Ф.В. од Кичево. И во овој случај било утврдено дека лицето нема положено возачки испит. Возилото е одземено, а по насоки од обвинителството ќе следува соодветна пријава.

