Во текот на вчерашниот ден (23.1.2022) Министерството за внатрешни работи спроведе зајакната акциска контрола на територијата на Република Северна Македонија за санкционирање возила што се движат со брзина поголема од дозволената, при што санкционирани се 211 возачи. Од нив седум возилa се движеле со брзина над 50 километри на час повеќе од дозволеното, а три возила се движеле со дури над 70 километри на час повеќе од дозволеното. Притоа, 83 возачи ја пречекориле брзината во населено место, а 128 надвор од населено место.

МВР апелира до сите учесници во сообраќајот да ги почитуваат сообраќајните правила и прописи и заеднички да придонесат за побезбедни патишта.

Експлозивна направа синоќа завршила во дворот на 34-годишен прилепчанец.

Од полицијата соопштија дека нема повредени лица, а причинета е материјална штета.

Се преземаат мерки за целосно расчистување на случајот, велат од МВР.

Скопјанка на 22-годишна возраст со иницијали С.Н. пријавила дека синоќа околу 2.50 часот била физички нападната од страна на нејзиното момче А.Н.(21).

Настанот се случил пред угостителски објект на улицата Анастас Митев во Скопје.

Од МВР велат дека се преземаат мерки за расчистување на случајот.