Пожар избувна утрово во викендичка во Прилеп, при што загина 89-годишен маж.

„Во полицијата е пријавено дека околу 7 часот настанал пожар во викенд-куќа на местото наречено Бегова Ливада, Прилепско, во која живеел Т. М. (89), кој починал на самото место“, информираат од МВР.

Смрт констатирал лекар од итната медицинска помош, а од страна на јавен обвинител телото му е предадено на семејството.

Автомобил „ауди а4“ изгорел синоќа во скопската населба Чаир.

Возилото било во сопственост на Н. Ф. (63) од Скопје, информираат од полицијата.

„Пожарот бил изгаснат од Бригадата за противпожарна заштита. Полициски службеници излегле на местото на настанот и извршиле разговор со Н. Ф., при што тој појаснил дека возилото било старо и не било користено долго време, а пожарот, најверојатно, избувнал од спој на електрична инсталација“, наведе МВР.

Штипското Основно јавно обвинителство донесе наредба за спроведување истрага против едно лице за кое постои сомнение дека сторило кривично дело полов напад врз дете што не наполнило 14 години.

На 14 јануари осомничениот жител на Кратово извршил обљуба врз 12-годишно девојче од пробиштипското село Трипатанци.

За да го принуди девојчето на сексуални односи, тој извадил нож, ѝ го ставил на вратот на оштетената и ѝ се заканил.

По предлог на надлежниот јавен обвинител, судија на претходна постапка од Основниот суд во Штип определил мерка притвор за осомничениот во траење од 30 дена​.