Црна хроника
Фатени на дело двајца малолетни крадци во Прилеп
Полицијата фати двајца крадци во Прилеп, а украдените предмети се вратени на сопственикот.
„На 12 ноември на улицата Прилепски бранители во Прилеп, полициски службеници лишиле од слобода двајца малолетници (машко и женско), кои биле затекнати при извршување кражба во продажен објект на истата улица. Кај нив биле пронајдени одземените предмети и биле вратени на сопственикот“, информираат од МВР.
По целосно документирање на случајот против нив ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж се заканувал и ја тепал сопругата пред детето, МВР поднесе кривична
Надворешната канцеларија за криминалистички работи во Делчево поднесе кривична пријава против 48-годишен маж од овој град, поради семејно насилство.
Тој се сомничи за „загрозување на сигурноста“, „телесна повреда“ и „насилство врз дете“.
Според информациите на полицијата, на 9 јануари 2026 година, во нивниот семеен дом, мажот се заканувал на својата сопруга. По заканите, тој физички ја нападнал жената. Целиот инцидент се случил во присуство на нивната малолетна ќерка, кај којашто нападот предизвикал страв и вознемиреност.
Црна хроника
45-годишен маж пронајден починат во неговиот дом во Скопје
Вчера во 08:37 часот во СВР Скопје е пријавено дека во домот на подрачјето на Ѓорче Петров во Скопје бил пронајден починат П.Б.(45) од Скопје.
Лекар констатирал смрт без видливи траги на насилство, а по наредба на јавен обвинител, телото на починатиот е дадено за обдукција.
Надлежните информираат дека е извршен увид од увидна екипа на СВР Скопје.
Црна хроника
Пријавени шест лица по инцидент со насилство и оружје во Желино
Полицијата поднесе кривична пријава против шест лица од Тетово, по инцидент што се случи на 5 ноември 2025 година во селото Желино.
Пријавени се: Б.И. (34), Б.И. (30), В.И. (29), Ј.Б. (37), Џ.Б. (30) и Ј.Џ. (63), за кои постојат основи на сомнение за сторени кривични дела „насилство“ и „загрозување со опасно орудие при тепачка или караница“.
Според полицискиот билтен, инцидентот започнал со претходна расправија помеѓу Ј.Џ. (63) и Б.И. (34). Во текот на оваа караница, Ј.Џ. се обидел да го нападне Б.И. со метален предмет, но лицата биле разделени.
Меѓутоа, ситуацијата ескалирала кога расправијата прераснала во физичка пресметка во која биле вклучени сите шест пријавени лица. Според пријавата, во текот на оваа тепачка, Ј.Џ. со огнено оружје му упатил закани на Б.И.
Истрагата за случајот продолжува.

