Црна хроника
Фатени шверцери на кокаин и марихуана, петмина во притвор
![](https://makfax.com.mk/wp-content/uploads/2017/04/ger-kokain.jpg)
Основното јавно обвинителство за гонење организиран криминал и корупција гони шест лица, од кои петмина за новластено производство и пуштање во промет наркотични дроги, психотропни супстанции и прекурсори и еден за помагање. Петмина од нив се уапсени и им е одреден 30-дневен притвор. Шестиот е во притвор во Србија. Според Обвинителството, осомничените се дел од два одвоени настана што се случиле во текот на 2017 година, а за кои беше побарана и меѓународна правна помош од Србија.
„Во текот на 2017 година на територијата на Србија беа запленети 128 килограми и 670 грама марихуана, како и 440 грама кокаин и 1.330 грама смеса за мешање (фанацетин и манитол), кои оваа група сакала да ги транспортира до Република Македонија и Република Србија“, изјави портпаролот на МВР, Тони Ангеловски.
По низата оперативни мерки и активности, вчера врз основа на наредба на судија на претходна постапка извршни се претреси на неколку локации, и тоа на подрачјето на Тетово (три претреси) и Прилеп (четири претреси), со цел приведување на припадниците на групата и дополнително обезбедување материјални докази за организираните транспорти на кокаин и марихуана.
Во рамките на криминалистичкото истражување обезбедени се докази за два транспорта на наркотична дрога и остварена е соработка со српските органи. Во првиот случај утврдено е дека лицата Н.Д. (33) во Прилеп и Б.Е. (43) во Тетово во текот на септември минатата година од лице од Белгија набавиле околу 0,5 кг кокаин за цена од 25.000 евра и смеса за мешање. За таа цел организирале транспорт, при што кокаинот го сместиле во „мерцедес“ со белгиски регистарски ознаки со намера да го пренесат од Белгија во земјата.
На 23 септември 2017 година на излез од Србија (ГП Прешево) од страна на српски полициски и царински службеници запрен е „мерцедес“ со белгиски регистарски ознаки, управуван од страна на Н.Д., по што тој почнал да бега, илегално ја преминал границата и влегол во земјата. По извршен преглед на возилото, пронајдени се два пакета наркотична дрога кокаин со вкупна маса од 440 грама и смеса за мешање (фанацетин и манитол) со вкупна маса од 1.330 грама. Паричните сретства за набавка на кокаинот по инструкции од Н.Д. се префрлени од страна на Е.А. (35) од Прилеп за лицето од Белгија.
Во рамките на вториот случај, пак, утврдено е дека Ј.И. (41) од Тетово набавил наркотична дрога марихуана, ја складирал на територија на Косово, по што заедно со А.М. (53) од Тетово ја сместил во камион. Притоа Ј.И. го ангажирал И.И. (70) од Тетово да изврши транспорт на марихуана за одреден паричен надомест од Косово до Србија. На 20 декември 2017 година од страна на српската полиција во близина на Владичин Хан запрен е камион во кој во резервоарот биле пронајдени 131 пакување со марихуана. По извршено вештачење, утврдено е дека се работи за наркотична дрога марихуана со вкупна маса од 128 килограми и 670 грама.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се скарале поради паркинг па му се заканил со пиштол: уапсен тетовец
![](https://makfax.com.mk/wp-content/uploads/2023/04/340100298_727343369082993_245299473340502978_n.jpg)
Вчера во 10.00 часот на улица „146“ во Тетово, полициски службеници од СВР Тетово го лишиле од слобода А.А.(51) од тетовско, затоа што околу 08.50 часот, поради недоразбирање околу паркирање на возила, со пиштол му се заканил на Н.А.(54) од тетовска Мала Речица.
При приведувањето, кај А.А. бил пронајден и одземен пиштол кубура, додека подоцна, со судска наредба, бил извршен претрес во неговиот дом, при што биле пронајдени и одземени пиштол „Црвена застава“ калибар 7.62мм, две рамки за пиштолот и 46 куршуми калибар 7.62мм.
Лицето било задржано во полициска станица и по целосно документирање на случајот против него ќе биде поднесена соодветна пријава, информира МВР.
Црна хроника
(Видео) Претрес кај полициски службеници од Скопско: пронајдено оружје и муниција
![](https://makfax.com.mk/wp-content/uploads/2024/07/6-1-1.jpg)
Вчера полициски службеници од Одделот за криминалистичка полиција – Сектор за недозволена трговија со дрога, оружје и опасни материи во координација со Одделот за внатрешна контрола, криминалистички истраги и професионални стадарди и СВР Скопје – Единица за недозволена трговија беше извршен претрес во дом кај две лица – полициски службеници за кои претходно беше утврдено дека на социјалните мрежи објавуваат фотографии со оружје.
При претресот, извршен со судска наредба, во нивниот дом во село Сингелиќ, скопско, биле пронајдени една автоматска пушка, два пиштоли, 19 куршуми 9 мм, еден рап во кој има четири рамки за автоматска пушка, пет празни рамки за автоматска пушка, 125 куршуми калибар 7.62×39, пет куршуми непознат калибар, еден револвер, една празна рамка и шест празни рамки кои ги поседуваат без дозвола. Исто така, при претресот во домот и при преглед на возилото на еден од нив било пронајдено и друго оружје и муниција кои ги поседувале со дозвола, соопшти полицијата.
„Подоцна, исто така, со судска наредба, беше извршен и претрес во викенд куќа во село Стрима, општина Липково, каде претходно беше утврдено дека е направена фотографијата и објавена на социјална мрежа, но во неа не беа пронајдени предмети кои потекнуваат од кривично дело.
Со двајцата полициски службеници и нивниот родител, во присуство на адвокат, беа извршени службени разговори, по што беа извршени консултации со јавен обивнителе од Основното јавно обвинителство за гонење на организиран криминал и корупција и против нив ќе биде поднесена соодветна кривична пријава“, информира МВР.
Црна хроника
Повеќе лица агресивно се однесувале кон медицински персонал во болницата во Струга
![](https://makfax.com.mk/wp-content/uploads/2023/02/policija-2.jpg)
Утрово во 00.57 часот во ОВР Струга е пријавено дека во Општата болница во Струга, повеќе лица агресивно се однесувале кон медицинскиот персонал.
Увид на местото увид извршија полициски екипи и дежурен јавен обвинител.
Полицијата соопшти дека се преземаат мерки за расчистување на случајот.