Црна хроника
Царината: Одземени над 17 тони тутун во лист и товарно возило со полуприколка откога возач од Србија се обидел да ја скрие пломбата
![](https://makfax.com.mk/wp-content/uploads/2023/08/царина.jpg)
Со одлука на суд одземени се 17,7 тони тутун во лист, товарно моторно возило влекач и полуприколка во вкупна вредност од 7 милиони денари откога возач на товарно моторно возило на пат од Република Грција до Република Северна Македонија се обидел оштетувањата на царинското обележје – сајла со пломба – да ги прикрие со изолир-лента и за тоа не ги известил царинските органи. Оштетувањата на царинските обележја создале услови за отворање на возилото, во кое била сместена стоката, при што постои можност за нејзино вадење или ставање друга стока во возилото при премин на гранична царинска линија, со што се прекршува царинската регулатива.
Имено, во саботата, 26 август, на граничниот премин Богородица на влез во државава се пријавило товарно моторно возило со српски регистарски таблички управувано од српски државјанин. Царински инспектори од Одделението за оперативни работи го селектирале на детален преглед, при што се детектирани оштетувањата на царинските обележја – сајла со пломба.
Возачот се обидел оштетувањата да ги прикрие со изолир-лента и за тоа не ги известил ниту македонските царински органи на влез во државата ниту грчките царински органи што требало да ги повика во моментот кога настанала штетата, со оглед на тоа што му била ставена грчка царинска пломба.
По поднесена пријава до надлежниот суд, тој донесе одлука за одземање тутун во лист во вредност од 5,7 милиони денари поради прекршување на член 267 од царинскиот закон, како и одлука за одземање товарно моторно возило влекач во вредност од 806.191 денар и полуприколка во вредност од 492.512 денари поради прекршување на член 269 од царинскиот закон.
Против возачот е поведена прекршочна постапка, а одземениот тутун, возилото влекач и приколката ќе ѝ бидат предадени на Агенцијата за управување со одземен имот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се скарале поради паркинг па му се заканил со пиштол: уапсен тетовец
![](https://makfax.com.mk/wp-content/uploads/2023/04/340100298_727343369082993_245299473340502978_n.jpg)
Вчера во 10.00 часот на улица „146“ во Тетово, полициски службеници од СВР Тетово го лишиле од слобода А.А.(51) од тетовско, затоа што околу 08.50 часот, поради недоразбирање околу паркирање на возила, со пиштол му се заканил на Н.А.(54) од тетовска Мала Речица.
При приведувањето, кај А.А. бил пронајден и одземен пиштол кубура, додека подоцна, со судска наредба, бил извршен претрес во неговиот дом, при што биле пронајдени и одземени пиштол „Црвена застава“ калибар 7.62мм, две рамки за пиштолот и 46 куршуми калибар 7.62мм.
Лицето било задржано во полициска станица и по целосно документирање на случајот против него ќе биде поднесена соодветна пријава, информира МВР.
Црна хроника
(Видео) Претрес кај полициски службеници од Скопско: пронајдено оружје и муниција
![](https://makfax.com.mk/wp-content/uploads/2024/07/6-1-1.jpg)
Вчера полициски службеници од Одделот за криминалистичка полиција – Сектор за недозволена трговија со дрога, оружје и опасни материи во координација со Одделот за внатрешна контрола, криминалистички истраги и професионални стадарди и СВР Скопје – Единица за недозволена трговија беше извршен претрес во дом кај две лица – полициски службеници за кои претходно беше утврдено дека на социјалните мрежи објавуваат фотографии со оружје.
При претресот, извршен со судска наредба, во нивниот дом во село Сингелиќ, скопско, биле пронајдени една автоматска пушка, два пиштоли, 19 куршуми 9 мм, еден рап во кој има четири рамки за автоматска пушка, пет празни рамки за автоматска пушка, 125 куршуми калибар 7.62×39, пет куршуми непознат калибар, еден револвер, една празна рамка и шест празни рамки кои ги поседуваат без дозвола. Исто така, при претресот во домот и при преглед на возилото на еден од нив било пронајдено и друго оружје и муниција кои ги поседувале со дозвола, соопшти полицијата.
„Подоцна, исто така, со судска наредба, беше извршен и претрес во викенд куќа во село Стрима, општина Липково, каде претходно беше утврдено дека е направена фотографијата и објавена на социјална мрежа, но во неа не беа пронајдени предмети кои потекнуваат од кривично дело.
Со двајцата полициски службеници и нивниот родител, во присуство на адвокат, беа извршени службени разговори, по што беа извршени консултации со јавен обивнителе од Основното јавно обвинителство за гонење на организиран криминал и корупција и против нив ќе биде поднесена соодветна кривична пријава“, информира МВР.
Црна хроника
Повеќе лица агресивно се однесувале кон медицински персонал во болницата во Струга
![](https://makfax.com.mk/wp-content/uploads/2023/02/policija-2.jpg)
Утрово во 00.57 часот во ОВР Струга е пријавено дека во Општата болница во Струга, повеќе лица агресивно се однесувале кон медицинскиот персонал.
Увид на местото увид извршија полициски екипи и дежурен јавен обвинител.
Полицијата соопшти дека се преземаат мерки за расчистување на случајот.