Црна хроника
Четворица обвинети признале вина за кривично дело криумчарење

Вчера во Основниот кривичен суд – Скопје, во текот на главната расправа во предметот за кој Основното јавно обвинителство за гонење на организиран криминал и корупција, во месец март годинава, поднесе обвинителен акт против седум лица и обвинителен предлог против едно лице, четворица од обвинетите ја признаа вината, односно дека ги сториле кривичните дела што им се ставаат на товар.
За кривичните дела што им се ставаат на товар, судот донесе пресуди врз основа на признание на вина и тоа на обвинетите А.Ж. и Џ.Ш. им изрече ефективна казна затвор во траење од 6 месеци, додека за обвинетите Љ.Љ. и Д.К.Ш. судот донесе пресуда со која им е изречена алтернативна мерка – условна осуда, односно казна затвор во траење од 6 месеци која нема да се изврши доколку обвинетите во рок од 2 години од правосилноста на пресудата не сторат ново кривично дело. Основното јавно обвинителство за гонење на организиран криминал и корупција незадоволно од висината на изречените казни најавува жалба по добивањето на пресудата.
Според обвинението со дејствијата што ги извршиле обвинетите како царински службеници сториле кривично дело криумчарење предвидено и казниво по член 278 став 5 во врска со став 2 во врска со став 1 од Кривичниот законик.
Истрагата, како што соопштија надлежните, била отворена кон крајот на месец декември минатата година по поднесена кривична пријава од страна на Министерството за внатрешни работи. Во текот на постапката се утврдило дека во месец ноември 2021 година четворицата обвинети, меѓу кои двајца полициски службеници, како повеќе лица, во два наврати организирале неовластено пренесување заради пуштање во промет на таблети што содржат прекурсори, додека четворица царински службеници постапиле спротивно на нивните службени овластувања и должности. За останатите обвинети судската постапка продолжува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Загина 24-годишен градежник од Кичево

Ј.Е.(24) од кичевското село Зајас, при изведување градежни работи со градежна машина во двор сопственост на Н.Г.(69) од селото Србица, паднал и се здобил со тешки телесни повреди, по што починал во болницата во Тетово.
Увид бил извршен и по наредба на Јавен обвинител телото на починатиот било дадено на семејството, соопшти МВР.
Црна хроника
Бик го усмртил својот сопственик на сточниот пазар во Гостивар

Жител на селото Врбен во општина Маврово Ростуше починал од повреди што му ги нанел бик при истовар од камион на сточниот пазар во Гостивар.
Според СВР Тетово, денеска во 9 часот во СВР Тетово е пријавено дека на добиточниот пазар во Гостивар, при истоварање од камион, бик го удрил неговиот 82-годишен сопственик Љ.С. од гостиварското село Врбен.
Пензионерот се обидел да го наведе животното да се симне од приколката на камионот, но во еден момент тоа со главата удрило во телото на Љ.С. и му нанело тешки телесни повреди констатирани во гостиварската општа болница „Ферид Мурад”, каде веднаш бил пренесен за укажување лекарска помош, но тој им подлегнал на повредите.
Црна хроника
Прегазил пешак и побегнал, полицијата го пронашла

На 7.7.2022 околу 00:20 часот во СВР Скопје било пријавено дека на сервисната улица која ги поврзува ул. Јордан Мијалков и ул. Македонија, патничко моторно возило „пежо“, со скопски регистарски ознаки, управувано од Н.М.(20) од Скопје, удрило во пешакот С.Б.(31) од Скопје.
По несреќата, Н.М. го напуштил местото, но набргу потоа бил пронајден и приведен.
По несреќата, С.Б. бил пренесен во Градската општа болница „8 Септември“ каде што му биле констатирани тешки телесни повреди.
Увид на местото на настанот извршила екипа од СВР Скопје.