Топ
Ја прекинала врската, па ги претепал и неа и нејзиното дете
Основното јавно обвинителство Гевгелија донесе наредба за спроведување истражна постапка против едно лице од Кавадарци за кривично дело насилство од член 386 став 6 во врска со став 1 од Кривичниот законик.
Откако претходно повеќепати ѝ пишувал пораки преку апликацијата „Вибер“, во кои ѝ се заканувал дека ќе ја повреди и ќе ја убие, а со која порано бил во љубовна врска, затоа што му кажала дека веќе не сака контакт со него, на 16 јануари осомничениот дошол од Кавадарци, каде што живее, со своето возило и го паркирал на улицата пред семејната куќа на оштетената во селото Мрзенци.
Кога дошол пред влезната врата, ѝ се јавил да му ја отклучи вратата, па кога оштетената одбила, осомничениот со ногата ја скршил вратата и влегол внатре.
Веднаш се качил на горниот кат, каде што во спалната соба оштетената спиела со својата 6-годишна ќерка, и ја удрил со бокс во пределот на лицето. Во тој момент се разбудило и девојчето и почнало да плаче, па оштетената ја кренала во рацете. Осомничениот замавнал кон нив и го удрил и девојчето во пределот на лицето. На оштетената ѝ го одзел мобилниот телефон и го скршил за да не може да побара помош.
Потоа повторно почнал да ја удира со боксови и клоци, да ја дави во пределот на вратот, а за целото тоа време нејзината малолетна ќерка плачела вознемирено молејќи го осомничениот да си оди и да не ја тепа мајка ѝ.
Навредувајќи ја, тој ја фатил за косата оштетената и со влечење ја симнал во дневната соба. За да го натера да ја пушти мајката, девојчето почнало да фрла кон осомничениот со портокали по што тој почнал да ја тресе ќерката, ја кренал и силно ја фрлил на седечката гарнитура.
Потоа се качил на горниот кат, каде што ги кршел и расфрлал сите предмети. Тој момент го искористила оштетената, која целата во крв, боса, ја зела ќерка си и успеала да излезе од куќата, да влезе во возилото и да побегне во домот на своите родители.
Од насилството оштетената добила тешка телесна повреда – скршеница на носот, како и повеќе расеченици, контузии и хематоми по целото тело, а телесни повреди – гребнатинки, модрици и хематоми добила и нејзината малолетна ќерка. Со дејствата осомничениот и кај двете предизвикал чувство на несигурност, загрозување и страв, што резултирало со многу психички трауми, особено кај 6-годишното девојче.
Надлежниот јавен обвинител до судијата на претходна постапка од Основниот суд во Гевгелија достави предлог за определување мерка притвор за осомничениот бидејќи постојат околности што го оправдуваат стравот дека тој ќе се даде во бегство, ќе ја попречува истрагата со влијание врз сведоците и дека ќе го повтори кривичното дело.
Судијата го прифати предлогот и донесе решение, со кое на осомничениот му определи притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Девојче на 14-годишна возраст е најмалата жртва во пожарот кој избувна за време на новогодишната ноќ во Швајцарија
Швајцарските експерти досега идентификуваа 24 од 40-те лица кои загинаа во пожарот во барот за време на Нова година во швајцарскиот алпски центар Кран Монтана, вклучувајќи и 14-годишно девојче од Швајцарија кое е најмладата жртва досега, соопшти денеска полицијата.
Многу од жртвите се малолетници, меѓу кои Швајцарци и Италијанци, како и еден италијанско-емиратски државјанин. Меѓу досега идентификуваните се и 18-годишен Романец, 18-годишен Турчин и Французин на возраст од 39 години.
Меѓу 119-те повредени има повеќе од 70 Швајцарци, како и Французи, Италијанци, Срби и мал број припадници на други националности, пренесе ДПА.
Според досегашната истрага, новогодишниот пожар во барот во швајцарскиот скијачки центар бил предизвикан од прскалки кои ја запалиле пената на таванот. Огнот се проширил со огромна брзина.
Инспекторите испитуваат дали биле почитувани прописите за заштита од пожари. Двајцата француски менаџери на барот се под истрага поради сомневање за убиство од небрежност и други прекршоци.
Свет
Идентификувани 11 жртви од пожарот во Кран Монтана, меѓу нив е и детето од Македонија по кое се трагаше
Првите единаесет жртви од катастрофалниот пожар во швајцарскиот ски-центар Кран Монтана, во кој загинаа вкупно 40 лица, се идентификувани, соопшти локалната полиција. Младиот Стивен Ивановски (16), по кој се трагаше по пожарот во швајцарскиот скијачки центар Кран Монтана е идентификуван како загинат.
Меѓу идентификуваните се осум млади лица на возраст меѓу 16 и 24 години кои живееле во Швајцарија. Италијанските медиуми јавија дека меѓу загинатите има и тројца италијански државјани.
Во меѓувреме, роднините на другите исчезнати лица продолжуваат да чекаат информации за нивната судбина. Некои од повредените исто така сè уште не се идентификувани. Многу од повредените имаат тешки изгореници и се лекуваат во специјализирани медицински центри. Според Федералната служба за цивилна заштита и помош при катастрофи на Германија, земјата примила вкупно единаесет тешко повредени лица од Швајцарија на лекување. Засега не се планирани нови трансфери, соопшти канцеларијата.
Гвидо Бертоласо, одговорниот за здравство на италијанскиот регион Ломбардија, изјави дека идентификувањето на некои од повредените е тешко поради нивните тешки повреди.
– Нивните лица се целосно преврзани. Не можеме да ги отстраниме завоите за да ги идентификуваме. Тие се интубирани и не можат да зборуваат, рече тој.
Во центарот на Кран Монтана, луѓето продолжуваат да се собираат во близина на местото на трагедијата, оставајќи цвеќе, писма, свеќи и плишани играчки во спомен на загинатите. Швајцарскиот министер за правда Беат Јанс, кој го посети местото на настанот, го опиша она што се случило како „незамислива трагедија“ и нагласи дека властите ќе сторат сè што е потребно за да се разјасни одговорноста за инцидентот.
Истражните органи соопштија дека против сопствениците на барот се води истрага под сомнение за предизвикување смрт од небрежност, телесни повреди од небрежност и ненамерно палење. Според прелиминарните податоци, пожарот на новогодишната ноќ веројатно бил предизвикан од прскалки поставени на шишиња шампањ од кои се запалил таванот на просторијата.
Швајцарија прогласи национален ден на жалост за 9 јануари. Во 14:00 часот ќе се огласат сите црковни ѕвона во земјата, а планирана е и минута молчење. Доцна синоќа во црквата во Кран Монтана се одржа комеморативна служба со учество на луѓе од сите возрасти. За денес по службата е закажан тивок марш до барот „Констелејшн“.
Свет
(Видео) Мадуро префрлен во притворскиот центар во Њујорк
Заробениот венецуелски претседател Николас Мадуро, откако со авион беше пренесен во Њујорк, светските медиуми објавуваат дека тој веќе е задржан во притворниот центар во Бруклин.
Според официјални лица на кои се повикуваат медиумите, се очекува тој првично утре да се појави пред федералниот суд на Менхетен.
Би-би-си пренесува дека Мадуро прво пристигнал во воена база во САД од каде со хеликоптер е однесен во канцелариите на американската администрација за борба против дрога (ДЕА) во Њујорк, пред да биде пренесен во објектот во Бруклин.
На социјалната мрежа Икс објавено е видео на кое се гледа како Мадуро облечен во црна маица со качулка се движи по ходник со син тепих на кој е напишано „DEA NYD“. Тој е со лисици на рацете, придружуван од агенти на ДЕА и се обидува да зборува англиски, велејќи „Добра ноќ“ и „Среќна Нова Година“.
Perp walked.pic.twitter.com/34iIsFUDdG
— Rapid Response 47 (@RapidResponse47) January 4, 2026
Девојче на 14-годишна возраст е најмалата жртва во пожарот кој избувна за време на новогодишната ноќ во Швајцарија
Швајцарските експерти досега идентификуваа 24 од 40-те лица кои загинаа во пожарот во барот за време на Нова година во...
Идентификувани 11 жртви од пожарот во Кран Монтана, меѓу нив е и детето од Македонија по кое се трагаше
Првите единаесет жртви од катастрофалниот пожар во швајцарскиот ски-центар Кран Монтана, во кој загинаа вкупно 40 лица, се идентификувани, соопшти...
(Видео) Мадуро префрлен во притворскиот центар во Њујорк
Заробениот венецуелски претседател Николас Мадуро, откако со авион беше пренесен во Њујорк, светските медиуми објавуваат дека тој веќе е задржан...
Жив и здрав е најден планинарот по кој се трагаше на Пелистер
Планинар од Прилеп кој претпладнево беше пријавен за изгубен на подрачјето на Националниот парк „Пелистер“ е пронајден, жив и здрав,...
Отворена е истрага против сопствениците на барот во Швајцарија
Отворена е кривична истрага против двајцата сопственици на барот што изгоре во швајцарскиот ски-центар Кран-Монтана, при што загинаа 40 лица,...
Планинар се изгуби на Пелистер, во тек е акција за негово пронаоѓање
Планинар е изгубен на подрачјето на Националниот парк Пелистер во близина на локацијата позната како „Антена“. Акцијата за негово пронаоѓање...
Срби, Италијанци, Швајцарци… загинаа во пожарот во Кран Монтана
Швајцарската полиција го објави идентитетот на првите жртви на катастрофалниот пожар што се случи на новогодишната прослава во бар во...
(Видео) Страшни сведоштва на луѓе кои спасувале повредени во пожарот во Кран Монтана
Француски туристи кои случајно се нашле во близина на пожарот во швајцарскиот Кран-Монтана раскажуваат за драматичните сцени и помошта што...
УЈП во 2025 собрале над четири милијарди евра од даноци
Управата за јавни приходи денеска информира дека во 2025 година во националниот буџет се собрани 4 милијарди и 426 милиони...
Од новогодишната забава до масовна трагедија во Швајцарија
Истражителите во Швајцарија се обидуваат да утврдат како и зошто пожарот што избувна за време на новогодишната ноќ во барот...
Најмалку седум силни експлозии и звуци на авиони рано утрово во главниот град на Венецуела, Каракас
Најмалку седум силни експлозии и звуци на авиони со ниски прелети биле слушнати рано утрово во главниот град на Венецуела,...
Огнените прскалки на шишиња шампањ најверојатно го запалиле барот: повредените транспортирани во повеќе европски земји на лекување
Во пожарот што избувна во скијалиштето Crans-Montana загинале најмалку 40 лица, а повредени се вкупно 119 лица, од кои 113...
До 1 милион евра помош од државата ќе добијат компании за истражување и развој, а 4.400 евра годишно по лице ќе добиваат компаниите со нови вработувања
За да ја намали невработеноста за 20 %, колку што бара од нас Европската Унија, Владата од овој месец нуди...
МВР со детали за смртта на двегодишното дете: Пред полноќ со мајката гледале огномет, па забележала крв на главата
МВР објави детали за трагедијата на новогодишната ноќ, по што загина двегодишно дете во Скопје. Според информациите од полицијата, на...
Осомничен за убиството во Старата чаршија уапсен на Косово, почнува постапка за екстрадиција
Обвинителството донесе Наредба за спроведување истражна постапка против турски државјанин за кого постои основано сомнение дека е извршител на кривично...
Кочани по трагедијата во Швајцарија: „Со вас сме, не како набљудувачи, туку како родители што ја носат истата рана“
Родителите на загинатите во пожарот во дискотеката „Пулс“ во Кочани упатија јавно сочувство до семејствата на жртвите во пожарот во...
(Видео) Објавена снимка од почетокот на пожарот: таванот гори, едно момче се обидува да го изгаси
Видео кое прикажува обид за гаснење на пожарот што се прошири низ таванот на барот Le Constellation во Швајцарија се...
Почина двегодишно дете повредено на новогодишната ноќ, обвинителството нареди обдукција
Двегодишното дете кое беше тешко повредено за време на новогодишната ноќ, утринава почина на клиника во Скопје. Основното јавно обвинителство...
Поднесено обвинение за скопјанецот кој усмрти велосипедист на булеварот „Гоце Делчев“
Јавен обвинител од Основното јавно обвинителство Скопје поднесе Обвинителен акт против 37-годишен скопјанец за – Тешки дела против безбедноста на...
Поднесено обвинение за злоупотреби и измами со набавките во РЕК Битола, обвинети се директори и раководители
По спроведена истражна постапка, Основното јавно обвинителство Битола поднесе обвинение против осум физички и едно правно лице за злоупотреби поврзани...
