Полициски службеници од СВР Охрид вчера во 14:40 часот на булеварот „Македонски просветители“ го лишија од слобода Г.А.(49) од Охрид.

Полицијата како што е соопштено постапила по претходна пријава дека тој подолг период агресивно се однесувал и упатувал закани на 38-годишна жена од Охрид.

По целосно документирање на настанот, против него ќе биде поднесена соодветна пријава.

Вчера во 17:50 часот во ОВР Струга е пријавено дека во стан во Струга е пронајдена почината А.М.(57) од кичевското село Зајас.

Лекар од Итната медицинска помош од Струга констатирал смрт без видливи траги на насилство.

По наредба на јавен обвинител, телото на починатата е дадено на обдукција, соопшти полицијата.

54-годишна жена од скопско село пријавила дека била измамена за сума од 95.400 денари.

Според пријавеното, во текот на изминатата година таа во неколку наврати му исплатила пари на едно лице, кое ѝ ветувало дека ќе ѝ помогне да купи стан во Скопје и да ја вработи нејзината ќерка како цариник.

Како што било пријавено, по извесно време лицето престанало да одговара на нејзините телефонски повици, по што таа сфатила дека била измамена.

Од СВР Скопје информираат дека се преземаат мерки за расчистување на случајот.