Црна хроника
Автомобил падна во езерцето во Градскиот парк во Скопје

Автомобил „пежо 206“ паднал во езерцето во Градскиот парк во Скопје. Фотографиите се објавени на фејсбук-групата „Ние сме од Скопје“.
Во напишаното на социјалните мрежи од групата прашуваат „Го чува ли некој паркот навечер?“, а засега не е познато како возилото се нашло во каналот и дали е извлечено.
„Пријавено е дека „пежо 206“ со скопски регистерски таблички паднало во каналот во Градскиот парк кај мостот. До сега нема пријава за повредено лице. Упатени се полициски службеници на самото место, информираат од Министерството за внатрешни работи.
Во оваа зона од Градскиот парк не е дозволен пристап на автомобили.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Возач загина на експресниот пат Прилеп-Градско – удрил во ограда, па уште еден камион излетал од патот

Тешка несреќа по која животот го загуби 42-годишен маж од Крива Паланка се случи синоќа околу 22.30 часот на експресниот пат Прилеп-Градско, пред приклучокот за автопатот Неготино-Велес.
Од МВР информираа дека животот го загубил А.Ѓ. кој управувајќи товарно возило „рено мастер“ излетал од коловозот и удрил во заштитна ограда. Тој првично бил пренесен во велешкта болница со тешки повреди, каде околу четири часа подоцна починал.
На погрешно место и во погрешно време се нашол и М.В.(44) од селото Трубарево, скопско, кој управувал товарно возило „ман“. Во обид да го избегне „реното“, излетал од коловозот и удрил во метална ограда. Во моментот нема информација дали вториот возач се здобил со повреди.
По наредба на Јавен обвинител телото на починатиот е предадено во Судската медицина на обдукција. Извршен бил увид.
Топ
Познат идентитетот на загинатите кај Момин Поток: 47-годишен маж и 32-годишна скојанка го загубија животот во несреќата

Четирисет и седумгодишниот С.И. и неговата 32-годишна сопатничка А.Н. се загинатите во тешката сообраќајна несреќа што се случи вчера помеѓу булеварите Никола Карев и 8 Септември во Скопје.
Мопедот на којшто се превезувале, според информациите од МВР, излетал од коловозот и удрил во бетонски столб. Двајцата загинале на лице место.
Извршен е увид, а телата се на обдукција.
Црна хроника
Семејно насилство во Охрид – скопјанец ја нападнал партнерката, охриѓанец кршел по дома

СВР Охрид информира за два случаи на семејно насилство што се случиле во текот на вчерашниот ден.
На 23.05.2025 во 10.20 часот во СВР Охрид е пријавено дека Д.Д.(42) од Скопје физички ја нападнал неговата невенчана сопруга од Охрид. По целосно документирање на случајот, против него ќе биде поднесена соодветна пријава.
На 23.05.2024 во 19.15 часот, полициски службеници од СВР Охрид го лишија од слобода Ј.А.(35) од Охрид, постапувајќи по претходна пријава дека во семејниот дом агресивно се однесувал кон членовите на семејството и оштетил дел од покуќнината. По целосно документирање на случајот, против него ќе биде поднесена соодветна пријава.