Црна хроника
Арачиновец со „голф“ сакал да прегази двајца полицајци
Арачиновец којшто се бара со потерница за издржување затворска казна со „голф“ се обидел да прегази двајца полицајци, нанесувајќи им повреди. Инцидентот, според полицијата, се случил вчера попладне околу 17 часот на улицата 1 во село Арачиново.
Полицајците го запреле „голфот“ во кој се превезувале О.М. (33) и Г.М. (20), кои се бараат со потерница за издржување затворска казна. „Во моментот кога полициски службеник се доближил до возилото, возачот О.М. го стартувал возилото наназад и го удрил полицискиот службеник“, соопшти полицијата.
Потоа полициските службеници испукале неколку предупредувачки куршуми во воздух, но возачот на „голфот“ не застанал, туку удрил во друг полициски службеник, по што избегал од местото на настанот. Се преземаат мерки за пронаоѓање на О.М. и Г.М.. На двајцата полициски службеници им е укажана помош во Градската општа болница „Наум Охридски“ и се пуштени на домашно лекување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.