Црна хроника
Бил во контакт со убиените браќа во Албанија, па уапсен од МВР за дрога кај Прилеп – Обвинителството во Корча побара од македонските власти да соработуваат
Обвинителството во Корча испрати допис до македонските надлежни институции очекувајќи соработка за расветлување на убиството на браќата Мартин и Андреа Олдаши.
Како што јавуваат албанските медиуми, тамошното Обвинителство бара да го испита лицето Ф.Д. со коешто жртвите имале контакт.
Според информациите, се работи за лице кое било уапсено кај Прилеп од страна на македонската полиција, кога од Албанија внел 53 килограми марихуана.
„Одговорот од надлежните органи би помогнал во истрагата за двојното убиство за кое се уште нема сторители“, наведува албанскиот медиум „Топ чанел“, додавајќи дека допис имало и претходно, а истрагатата ќе биде стопирана додека не добијат одговор на нивното барање.
Двојното убиство се случи во декември 2020 година во селото Шќитас, општина Малик, кога двајцата браќа биле киднапирани, а потоа егзекутирани, додека нивните тела биле фрлени во канал за наводнување.
Албанските медиуми пишуваат дека браќата се занимавале со криминални активности.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена жена во Охрид, разбојник ја турнал и ја ограбил
СВР Охрид поднесе кривична пријава против 36-годишниот Д.М. од Охрид поради постоење основи на сомнение за сторени кривични дела „разбојништво“ и „тешка кражба на дрзок начин“, извести СВР Охрид.
„Тој, на 28.03.2024 на улицата „Марко Нестороски“ во Охрид турнал 84-годишна жена од Охрид и ѝ одзел чанта со пари и лични документи. Притоа, таа паднала и се здобила со тешки телесни повреди. Исто така, пријавениот на улица „Богомолска“ на сличен начин од 65 – годишна жена одзел чанта со пари и лични документи“, соопшти СВР Охрид.
Црна хроника
Физичка пресметка меѓу охриѓанки: по кавга меѓу две деца, се истепаа мајките
Вчера во 14.50 часот во СВР Охрид е пријавено дека на улицата „Ванчо Питошески“ во Охрид, поради меѓусебно недоразбирање помеѓу две малолетни лица, нивните родители 36-годишната П.В. и 35-годишната М.Т., двете од Охрид, го нарушиле јавниот ред и мир со меѓусебна физичка пресметка, извести СВР Охрид.
По целосно документирање на настанот, ќе биде поднесена соодветна пријава.
Црна хроника
Тешко повреден тетовчанец во судир на два автомобили
Вчера во 11.00 часот во СВР Тетово било пријавено дека на регионален пат Тетово – с.Јажинце, на влез за тетовско Теарце, се случила сообраќајна несреќа помеѓу патничко моторно возило „фолксваген голф“, управувано од Ш.Џ.(74) од тетовско Шемшово и патничко возило „фолксваген голф“, управувано од А.Р.(78) од тетовско Пршовце, двете со тетовски регистарски ознаки.
Во несреќата, А.Р. се здобил со тешки телесни повреди, додека Ш.Џ. се здобил со телесни повреди, констатирани во Клиничка болница Тетово.
Увид на местото извршила екипа од СВР Тетово.