Контакт

Црна хроника

(Видео) МВР потврди: Претреси на 27 локации, приведени 15 лица, разбиени три криминални групи, откриени дрога и оружје

Објавено пред

Како што објави утрово „Макфакс“, во Сингелиќ и во Арачиново се претресуваа домовите на повеќе локации, а во акцијата учествуваа и специјалци, кои вршеа пребарувања во куќите. Акцијата, која беше во координација со Обвинителството за гонење организиран криминал и корупција, ја потврди и МВР.

dobivaj vesti na viber

Денеска, Одделот за сузбивање организиран и сериозен криминал во координација со Одделот за специјални полициски операции и со учество на тимови од Царинската управа, под раководство на надлежен јавен обвинител од ОЈО за гонење организиран криминал и корупција, по повеќемесечно криминалистичко истражување, спроведе координирана полициска акција, во која беа сузбиени три повеќечлени организирани криминални групи составени од лица од Скопје, кои подолг временски период беа инволвирани во вршење кривични дела од областа на недозволена трговија со дрога и оружје. По добиени наредби за претреси издадени од судија за претходна постапка, извршени се претреси на вкупно 27 локации во Скопје и од слобода се лишени 15 лица на возраст од 20 до 54 години, сите од Скопје, а по тројца (З. Н., Е. Ш. и Ш. С.) се трага. При извршените претреси на повеќе локации пронајдени и одземени се кокаин и марихуана, кои се предмет на вештачење, муниција, пиштол, патнички моторни возила, поголема сума девизни и денарски парични средства, мобилни телефони.

Одделот за сузбивање организиран и сериозен криминал во координација по спроведените претреси и пронајдени предмети, како и врз основа на претходно обезбедени материјални докази, денеска (17.5.2023), до ОЈО за ГОКК поднесе кривична пријава против 18 лица од Скопје за сторени вкупно 20 кривични и тоа, и тоа против С. Р. (26), Р. Н. (20), А. Б. (37), Д. Г. (39), Е. А. (23), З. Н. (35), Ѓ. А. (34), М. Б. (33), Е. Ш. (25), Ш. С. (31), А. Р. (23) и Б. А. (33) за неовластено производство и пуштање во промет наркотични дроги, психотропни супстанции и прекурсори, против М. Б. (32) за неовластено производство и пуштање во промет наркотични дроги, психотропни супстанции и прекурсори и неовластено изработување, држење, посредување и тргување со оружје или распрскувачки материи, како и против И. А. (38), Д. А. (54), А. С. (27), О. Н. (39) и М. Б. (42) за неовластено изработување, држење, посредување и тргување со оружје или распрскувачки материи.

За време на спроведеното криминалистичко истражување утврдено е дека целта на формирањето на трите организирани криминални групи е стекнување противправна имотна корист, која произлегува од извршените кривични дела, а во текот на истрагата во неколку случаи документирани се продажби на наркотична дрога, оружје и муниција.

Во периодот од јули 2022 до мај 2023 година А. Р., како организатор, создал осумчлена организирана криминална група со цел купување, држење, пренесување, продавање и посредување во неовластена продажба на кокаин, амфетамин и марихуана, во која членувале С. Р., Р. Н., А. Б., Д. Г., Е. А., З. Н. и Ѓ. А. и набавувал дрога од лица од Косово и Албанија, која ја криел на безбедни локации во с. Сингелиќ, Скопје, а другите членови вршеле нејзина понатамошна продажба на заинтересирани купувачи од Скопје, Велес и од други градови во државата. Некои од членовите биле задолжени да ја измерат и спакуваат во помали пакувања за нејзина понатамошна продажба, а преостанатиот дел од дрогата ја криеле во куќата кај А. Б.. Заради понатамошна продажба, по инструкции на организаторот, А. Б. го ангажирал Д. Г., а тој ги ангажирал Е. А., З. Н. и Ѓ. А. да најдат лица уживатели на дрога, на кои Д. Г. им ја доставувал со свое возило со цел да ја продадат за сума од 4.500 до 6.000 денари за грам кокаин, од 200 до 300 денари за грам марихуана и од 1.000 до 1.500 денари за грам амфетамин. Паричните средства од продажбата му ги давале на организаторот за што тој им давал одреден процент.

При реализацијата сузбиена е и една десетчлена организирана криминална група, чиј организатор е Б. А., во која некои од членовите биле инволвирани во недозволена трговија со оружје и муниција, а други биле инволвирани во недозволена трговија со дрога. Во периодот од декември 2022 до мај 2023 година Б. А., И. А., Д. А., А. С., О. Н. и М. Б. дејствувале организирано заради неовластено држење, продавање и набавување поголемо количество огнено оружје и муниција. Организаторот Б. А. од лице од Косово неовластено набавил автоматска пушка „калашников“ во калибар од 7,62 мм, а во повеќе наврати од Д. А., сопственик на стрелиште во Скопје, и од А. С., управител на стрелиштето, нелегално набавил поголема количина муниција (800 куршуми во калибар од 7,65 мм и 300 куршуми во калибар од 7,62 мм), кои ги купувал по цена од 40 до 45 денари за куршум. За чување и продажба на оружјето организаторот ги ангажирал О. Н. и М. Б. и кога ќе најдел купувачи, по негови инструкции – О. Н. го земал оружјето од М. Б. од с. Орланци и го носел на договорена локација во Сингелиќ, каде што го продавале по цена од 1.000 евра. За транспортот О. Н. добивал по 50 евра, а другите пари од нелегалната продажба ги задржувал за себе. За набавка на муниција, организаторот го ангажирал И. А., кој од Д. А. и А. С. набавувал муниција и му ја давал на организаторот Б. А. на договорена локација, каде што било и заинтересираното лице, кое ја купувало за цена од 70 до 75 денари за куршум.

Некои од членовите на оваа организирана криминална група се инволвирани во уште една организирана група за недозволена трговија со дрога. Во периодот од декември 2022 до мај 2023 година организаторот Б. А. набавувал дрога од лица од Косово и Албанија и ја чувал на безбедни локации, а за понатамошна продажба ги ангажирал членовите во организираната група М. Б., Е. Ш., Ш. С. и М. Б. да наоѓаат купувачи од Скопје и други градови заради неовластена продажба и пуштање во промет кокаин и марихуана. Членовите ги договарале видот, количината и цената, а по инструкции на организаторот, М. Б. го пренесувал кокаинот од с. Арачиново до Синеглиќ, каде што Б. А. ја продавал на заинтересирани купувачи, а Е. Ш. пренесувал кокаин и хероин од с. Арачиново и ги продавал на заинтересираните уживатели. За транспорт на дрога го ангажирал и М. Б., кој кокаинот го пренесувал и му го доставувал на Ш. С. во Шуто Оризари, кој го пакувал и го продавал на лица на подрачјето на Шуто Оризари за што од организаторот добивал одредена сума пари.

Лицата моментно се задржани во полициска станица, а по комплетирањето на доказниот материјал, ќе бидат изнесени пред надлежен судија.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника

Крадец влегол преку незаклучена врата: ѝ го украл накитот на скопјанка, ја турнал и побегнал

Објавено пред

Ноќеска во 22:50 часот во СВР Скопје, 48-годишна жена од скопско пријавила дека на 25.10.2025 околу 19:00 часот во домот на подрачјето на Бит Пазар, едно лице влегло преку незаклучена врата.

dobivaj vesti na viber

Откако влегло лицето и одзело личен накит, а откако пријавителката го затекнала, лицето ја турнало и се дало во бегство.

Полицијата соопшти дека се преземаат мерки за расчистување на случајот.

Прикажи повеќе...

Црна хроника

Прегазена 76-годишна скопјанка

Објавено пред

Вчера околу 09:50 часот во СВР Скопје е пријавено дека на ул.„16 Македонска бригада“ во Скопје, патничко возило „ауди“ со скопски регистарски ознаки, управувано од Б.Г.(26) од Скопје, удрило во 76-годишната М.Г. од Скопје.

dobivaj vesti na viber

Во несреќата со тешки телесни повреди се здобила М.Г., констатирани во Комплексот клиники „Мајка Тереза“. Извршен е увид од увидна екипа од СВР Скопје.

Прикажи повеќе...

Црна хроника

Измамен скопјанец: лажно му се претставил дека е полицаец и го ограбил

Објавено пред

Од

Вчера во 11:10 часот во СВР Скопје, М.А.(61) од Скопје пријави дека ноќта околу 00:30 часот на подрачјето на Гази Баба, додека бил во своето патничко возило, едно лице кое му се претставило дека наводно е полициски службеник, му одзело документи од возилото.

dobivaj vesti na viber

Потоа, според пријавеното, му рекол на М.А. да влезе во друго возило и му одзел пари и платежна картичка и подоцна го симнал на подрачјето на општина Аеродром.

Се преземаат мерки за расчистување на случајот.

Прикажи повеќе...

Најново

Македонија8 часа

На Скопје не му требаат експерименти и луѓе кои допрва ќе се учат што е локална самоуправа, порача Ѓорѓиевски од митингот во Скопје

Стоиме заедно во пресрет на конечната одлука, ова е одлука за судбината на нашиот град. Одлука за тоа во каков...

Македонија8 часа

Мицкоски најави 70 проекти: Нашата цел не е само политичка победа, почнуваме со нови училишта, болници, мерки за чист воздух, инвестиции

Претседателот на ВМРО-ДПМНЕ, Христијан Мицкоски се обрати на народниот митинг на ВМРО-ДПМНЕ и коалицијата „Твоја Македонија’’ од пред платото на...

Македонија8 часа

Ѓорѓиевски: Веќе имаше дебата со Мециновиќ, вечерва одбрав да бидам со мојот народ

Кандидатот за градоначалник на Град Скопје од ВМРО-ДПМНЕ, Орце Ѓорѓиевски, се огласи откако партијата Левица го прозва дека одбил учество...

Македонија11 часа

Села до Меџити: Не сум дел од власта туку сум спроти неа, не рамо до рамо туку лице в лице

Лидерот на едното крило на Алијансата за Албанците, Зијадин Села, преку објава на „Фејсбук“  одговори на излегувањето на Изет Меџити,...

Македонија14 часа

(Видео) Митева: Стевчо Јакимовски и неговите пајташи од градежната мафија сакаат бетонизација на Влае, присвоиле и улица за висококатница

Стевчо Јакимовски и неговата градежна дружина сакаат бетонизација на Влае, присвоиле и улица за висококатница. Да ја потсетиме јавноста што...

Македонија14 часа

Александар Јовановски нов директор на „Комунална хигиена“ – Скопје

Александар Јовановски е нов директор на ЈП „Комунална хигиена“ – Скопје. Тој доаѓа од Град Скопје како инспектор во Секторот за...

Свет19 часа

(Видео) Масовен руски напад врз Украина, лансирани дронови и ракети: оштетени станбени згради

Повеќето украински региони останаа без електрична енергија по уште еден масовен руски напад со ракети и дронови врз цивилна и...

Европа20 часа

Франција го менува законот за силување по случајот со Жизел Пелико

Сенаторите вчера ги одобрија измените во францускиот закон за силување што би вклучувале експлицитна согласност, со што законодавството на земјата...

Свет20 часа

Трамп: Средбата со Шји беше неверојатна

Претседателот на САД, Доналд Трамп, ја опиша денешната средба со кинескиот претседател Шји Џјинпинг како неверојатна пофалувајќи ги кинескиот лидер...

Свет21 час

По 30 години, Трамп нареди тестирање на американско нуклеарно оружје

Пред средбата со кинескиот претседател Кси Џинпинг, американскиот претседател Доналд Трамп му нареди на Министерството за одбрана на САД веднаш...

Свет22 часа

(Видео) Ураганот предизвика огромна штета: премиерот на Јамајка објави снимки од воздух

Бројот на жртви од ураганот Мелиса се зголеми додека минуваше покрај Куба и се движеше кон Бахамите, еден ден откако...

Европа22 часа

Орбан: Европејците сакаат да почнат војна, ние не сакаме да се бориме

Унгарскиот премиер Виктор Орбан најави започнување на антивоена кампања, која ќе биде придружена со мировни собири низ цела Унгарија. „Опасноста...

Свет22 часа

Заврши средбата меѓу Трамп и кинескиот претседател

Американскиот претседател Доналд Трамп разговараше со кинескиот претседател Кси Џинпинг во јужнокорејската воздухопловна база, при што двајцата лидери звучеа оптимистички...

Македонија2 дена

Евроинтеграцијата е дијалог, а не диктат: Сиљановска-Давкова се обрати на Парискиот мировен форум

Претседателката Гордана Сиљановска-Давкова во рамки на учеството на осмиот Париски мировен форум, се обрати на сесијата посветена на младите и...

Македонија2 дена

(Видео) Митева: Јакимовски да објасни како е можно за една година со семејството да стане сопственик на две градежни парцели во најелитниот дел на Карпош, Жданец

„Како е возможно, за период од една календарска година, градоначалникот Јакимовски да се најде во ситуација каде со неговото семејство...

Македонија2 дена

Оставка на Сабахадин Рустеми од „Комунална хигиена“ за да не влијае на истрагата

В.д. директорот на ЈП „Комунална хигиена“ – Скопје, Сабахадин Рустеми, поднесе оставка од функцијата поради морални причини, соопшти неговиот адвокат...

Македонија2 дена

Царината заплени речиси три илјади парчиња стока: облека со потпис на заштитени трговски марки, алкохол, електронски цигари, автоделови

На граничните премини Блаце, Табановце, Богородица и Ново Село царинските службеници и мобилните тимови запленија речиси три илјади парчиња стока,...

Македонија2 дена

Орце Ѓорѓиевски по дебатата со Мециновиќ: Скопјани сакаат дела и резултати

Кандидатот за градоначалник на Град Скопје од ВМРО–ДПМНЕ, Орце Ѓорѓиевски, по синоќешната дебата со опонентот од Левица, Амар Мециновиќ, објави...

Македонија2 дена

Мециновиќ по дебатата: Ова е генерациска борба на непривилегираните

Кандидатот за градоначалник на Град Скопје од Левица, Амар Мециновиќ, по вчерашната прва дебата со неговиот противкандидат од ВМРО-ДПМНЕ, Орце...

Македонија2 дена

Обвинение за смрт на работник: камион паднал во Вардар возејќи на импровизирана патека, возачот останал заробен и починал

Основното јавно обвинителство Кавадарци поднесе Обвинителен акт против еден осомничен од Неготино за тешки дела против општата сигурност од член...