Црна хроника
(Видео) Голема акција во Македонија: сузбиена меѓународна група за шверцување мигранти, приведени 10 лица

Денеска, од страна на Националната единица за сузбивање шверцување мигранти и трговија со луѓе при Секторот за криминалистички истраги во Одделот за сузбивање организиран и сериозен криминал, во содејство со Одделот за специјални и посебни операции, секторите за внатрешни работи во Куманово, Скопје, Струмица и регионалните центри за гранични работи „Југ“ и „Исток“, под раководство на јавен обвинител од ОЈО за ГОКК, во рамките на криминалистичка истрага, која се води под псевдонимот „Исар“, беше спроведена координирана полициска операција со цел сузбивање организирана криминална група, која го извршувала кривичното дело шверцување мигранти.
Криминалистичката истрага над организираната 17-члена група, која е дел од меѓународен канал за шверцување мигранти, се спроведуваше од јули 2021 година до мај 2023 година. Оваа организирана криминална група врз основа на претходен договор со лица од Србија, Бугарија, Унгарија и РСМ организирала шверцување мигранти од Грција кон Унгарија и од Бугарија кон Србија со крајна дестинација во земјите на ЕУ.
Оваа меѓународна криминална група била предводена од М. И., С. М., Ж. К., Д. Д. и С. П., при што најпрвин обезбедувале возила од рент-а-кар агенции од Скопје, Куманово и Тетово и од Бугарија, а потоа ангажирале лица возачи и т.н. чистачи за прифаќање и превезување на мигрантите. Од страна на организаторите, преку лични средби на претходно договорени локации во Србија и Унгарија, како и преку мобилни апликации на лицата возачи и чистачи, како и на лица организатори од Србија и Унгарија, им е испраќана точната локација за прифаќање на илегалните мигранти. Од овие локации мигрантите биле преземани од С. И., М. Д., К. Ж., А. Т., С. С., Ш. Г., Н. М., Н. М. и М.,М., кои биле ангажирани во улога на возачи и чистачи. Истите тие лица повремено ангажирале и други лица како возачи за прифаќање на мигрантите.
Во зависност од бројот на шверцуваните мигранти, како и локациите и возилата со кои се преземани и превезувани мигрантите од страна на криминалната група од РСМ преку териториите на Србија, Унгарија и Бугарија, цената на транспорт за лице што ја исплаќале мигрантите се движела од 2.000 до 4.000 евра.
Во текот на истрагата утврдено е лице – организатор по потекло од Ирак, со германски патни документи, член на меѓународната криминална група на шверцување мигранти, кој по претходна комуникација со организаторите од РСМ договарал прифаќање и превезување илегални мигранти на територијата на Бугарија и Унгарија за што преку брз трансфер на пари преку лица посредници од Турција вршел трансфер на пари кон организаторите од РСМ.
При реализацијата на оваа криминалистичка истрага беа вклучени соодветен број полициски сили од ОСОСК, ОСПО, ОКТИВ и СВР Скопје – ЕУМНА, при што претреси беа извршени во вкупно 11 објекти, лоцирани на подрачјето на Куманово, Кратово и Струмица, лишени од слобода се 10 лица, а три лица – членови на криминалната група – веќе издржуваат мерка затвор во КПУ „Штип“, КПУ „Идризово“ и Р. Унгарија за претходно сторени кривични дела шверцување мигранти.
ОСОСК до ОЈО за ГОКК поднесе кривична пријава против 17 лица, и тоа против: М. И. (21), Ж. К. (23), М. М. (21), сите од Куманово, и Д. Д. (20) и С. Т. (20), двајцата од Кратово, за сторени кривични дела организирање група и поттикнување извршување на делата трговија со луѓе, трговија со дете и шверцување мигранти (член 418-в став 1) и шверцување мигранти (член 418-б став 4 вв став 2), С. П. (22) од Куманово за сторено кривично дело организирање група и поттикнување извршување на делата трговија со луѓе, трговија со дете и шверцување мигранти (член 418-в став 1) и шверцување мигранти (член 418-б), С. М. (26) од Куманово за сторено кривично дело организирање група и поттикнување извршување на делата трговија со луѓе, трговија со дете и шверцување мигранти (член 418-в став 1), С. И. (48) од Скопје за сторено кривично дело организирање група и поттикнување извршување на делата трговија со луѓе, трговија со дете и шверцување мигранти (член 418-в став 2), М. С. (26) од Струмица, М. Д. (31), К. Ж. (20), Н. С. (27), Н. М. (24), сите од Куманово, за сторено кривично дело организирање група и потикнување извршување на делата трговија со луѓе, трговија со дете и шверцување мигранти“ (член 418-в став 2), А. Т. (21) и С. С. (21) од Кратово за сторени кривични дела организирање група и потикнување извршување на делата трговија со луѓе, трговија со дете и шверцување мигранти (член 418-в став 2) и шверцување мигранти (член 418-б став 4), Ш. Г. (29) од Скопје за сторени кривични дела организирање група и потикнување извршување на делата трговија со луѓе, трговија со дете ишверцување мигранти (член 418-в став 2) и шверцување мигранти (член 418-б став 4 вв чл. 24) и Н. М. (21) од Штип за сторени кривични дела организирање група и потикнување извршување на делата трговија со луѓе, трговија со дете и шверцување мигранти (член 418-в став 2) и шверцување мигранти (член 418-б).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривични пријави за поранешни директори и заповедник во затворот во Струмица: им давале одмор и излези на осуденици без да ги исполнуваат условите

СВР Струмица до Основното јавно обвинителство Струмица поднесе кривична пријава против Б.Ц.(41) од Струмица, поранешен директор на Казнено-поправната установа Затвор Струмица, В.М.(36) од Струмица, поранешен вршител на должноста директор на Казнено-поправната установа Затвор Струмица и В.Т.(42) од Струмица, заповедник на затворска полиција во Казнено-поправната установа Затвор Струмица поради постоење основи на сомнение за сторени кривични дела „злоупотреба на службената положба и овластување’’ по член 353 став 1, во врска со член 45 од Кривичниот законик.
Пријавениот Б.Ц., извршувајќи ја функцијата директор на установата, и пријавениот В.М., извршувајќи ја функцијата вршител на должноста директор на установата, злоупотребувајќи ја и искористувајќи ја својата службена положба, во повеќе наврати постапиле спротивно на член 70 од Правилникот за куќен ред за осудените лица кои издржуваат казна затор во казнено-поправната установа, односно издале решенија за одредени осудени лица да користат определени погодности, без да биде спроведена постапка која според правилникот треба да се спроведе пред издавање на такви решенија. На ваков начин, Б.Ц. во три случаи на едно лице му овозможил краткотраен излез од установата. Пријавениот В.М., во 32 наврати на седум лица им овозможил краткотраен излез од установата, а во два наврати на две осудени лица им овозможил користење на годишен одмор без да ги исполнуваат пропишаните услови. Исто така, В.М. на четири лица им овозможил распоредување од полуотворено во отворено одделение во установата и покрај тоа што не ги исполнувале условите.
Пријавениот В.Т., заповедник во Затвор Струмица, од пријавениот В.М. добил писмено овластување да врши работи од областа на ресоцијализација, без да поседува соодветно образование за тоа работно место, а притоа продолжил истовремено да ја раководи и Затворската полиција, односно да извршува работи на две различни работни места кои се исклучително важни и одговорни и кои се неспоиви.
Црна хроника
Серија напади во Скопје: тепачки на автобуска и пред клиника, мајка нападната од ќерка

Вчера во Скопје се регистрирани неколку инциденти во кои бил нарушен јавниот ред и мир со физички пресметки и напади.
Околу 18:10 часот на автобуска постојка во општина Аеродром, по претходна расправија, дошло до тепачка меѓу 35-годишниот Б.С. од Свети Николе и двајца скопјани – Н.Ц. (45) и О.Ц. (40).
Во 10:50 часот, во кругот на Клиничкиот центар „Мајка Тереза“, 34-годишниот А.Е. од Неготино бил физички нападнат од 41-годишниот С.С. од Скопје.
Во 15 часот, 68-годишна скопјанка пријавила дека претходниот ден во својот дом во Гази Баба била нападната од сопствената ќерка, 36-годишната Д.С.
Неколку часа подоцна, во 16:05, 71-годишниот С.М. од Скопје пријавил дека бил нападнат на подрачјето на Ѓорче Петров од 69-годишниот Н.З., кој при тоа употребил и тврд предмет.
Од МВР информираат дека во сите случаи се преземаат мерки за целосно документирање на настаните и ќе следуваат соодветни поднесоци.
Црна хроника
Пијан возач сакал да побегне, а потоа ја нападнал полицијата

СВР Штип поднесе кривична пријава против В.С.(20) од Штип поради постоење основи на сомнение за сторено кривично дело „напад врз службено лице при вршење работи на безбедноста“.
На 29.06.2025 во Штип, пријавениот управувал патничко возило под дејство на алкохол, односно му биле констатирани 0,84 промили алкохол во крвта, а по издадена наредба од полициски службеници за исклучување од сообраќајот, се обидел да побегне и притоа физички нападнал полициски службеник.