Црна хроника
Викенд на тепачки: Се тепале соседи, малолетници, возачи… единаесет случаи пријавени во полиција
Во саботата рано утрото во 01.30 часот во Полициската станица Радовиш, М.М.(45) пријавил дека на претходниот ден, во петокот, околу 17.00 часот во с.Коџалија, Е.А.(42) од истото село, по кратка расправија, замавнал со остар предмет кон него, но го удрил неговиот малолетен син, нанесувајќи му гребнатина на потколеницата.
Денеска во 00.20 часот во СВР Тетово, малолетник од с.Челопек пријавил дека во селото бил физички нападнат од Е.М. и уште едно лице. Се преземаат мерки за расчистување на случајот.
Вчера попладне во 16.20 часот полициски службеници од СВР Скопје ги лишиле од слобода Е.Б.(42) и Е.Б.(39), двајцата од с.Батинци, скопско, поради тоа што околу 13.40 часот на бул.„Борис Трајковски“, по претходна расправија околу сообраќајот, учествувале во физичка пресметка со О.З.(26) од с.Морани, кој бил заедно со 52-годишната Б.З.. Во пресметката О.З. се здобил со тешки телесни повреди, а Б.З. била физички нападната, во обид да ги раздели.
Во саботата во 18.45 часот во Полициското одделение Жеровјане, Б.П.(54) од с.Волковија пријавил дека во селото бил физички нападнат од Г.М..
Денеска во 01.41 часот во СВР Скопје 42-годишен маж пријавил дека околу 00.10 часот во скопско бил физички нападнат од неговиот брат Д.Ѓ. и неговиот внук М.Ѓ..
Вчера вечерта во 20.00 часот во СВР Скопје А.М.(34) од Скопје пријавил дека околу 18.30 часот на подрачјето на Гази Баба, по претходна расправија, бил физички нападнат од С.И..
Денеска во 00.55 часот во СВР Тетово, А.В.(48) од с.Милетино пријавил дека на 12.08.2023 околу 21.50 часот во Тетово, по претходно случена сообраќајна незгода, тој и С.Х.(32) биле физички нападнати од неколку лица.
Во саботата во 18.53 часот во СВР Куманово било пријавено дека во Куманово, по претходна расправија, бил нарушен јавниот ред и мир со физичка пресметка помеѓу В.П.(38) и Т.С.(59).
Денеска во 05.00 часот во СВР Скопје, Б.Д.(36) од Скопје пријавила дека на 12.08.2023 околу 23.30 часот зад трговски центар на подрачјето на Аеродром, нејзиниот малолетен син бил физички нападнат од две лица, од кои едното употребило и тврд предмет.
Вчера во 20.20 часот во СВР Скопје било пријавено дека во с.Арачиново, по претходно недоразбирање, бил нарушен јавниот ред и мир со физичка пресметка помеѓу С.Б.(68), од една страна и М.Б.(51) и А.Б., од друга страна, сите од истото село.
Истиот ден, во 21.30 часот во СВР Скопје било пријавено дека на подрачјето на Центар, по претходно недоразбирање, бил нарушен јавниот ред и мир со физичка пресметка помеѓу Д.Н.(51) и С.А.(60), двајцата од Скопје.
По целосно документирање на случаите за сите тепачки и употреба на физичка сила ќе следат соодветни поднесоци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.