Црна хроника
Шест случаи на семејно насилство за еден викенд
Вчера вечерта во 20.00 часот во скопско полициски службеници од СВР Скопје го лишиле од слобода З.З.(55), поради тоа што во домот физички го нападнал неговиот малолетен син.
Истиот ден, попладнето во 17.40 часот од полициски службеници од Полициското одделение Галате бил лишен од слобода Р.М.(37), поради тоа што во домот физички ги нападнал неговите мајка и сестра.
Речиси во исто време, во 17.56 часот во СВР Скопје, 30-годишна жена пријавила дека во домот на подрачјето на Кисела Вода била физички нападната од нејзиниот сопруг Д.К.(32).
Ноќта во саботата во 22.20 часот од полициски службеници од Полициското одделение Ростуше бил лишен од слобода Б.Ј.(28), поради тоа што во домот физички ја нападнал неговата 27-годишна сопруга.
А во 14.00 часот вчера, во Полициската станица Радовиш, Б.О.(47) пријавила дека била физички нападната со тврд предмет од Б.Д..
И 39-годишна жена пријавила дека вчера околу 10.00 часот во Штип била физички нападната од нејзиниот сопруг Т.Ј., кој употребил и тврд предмет.
Полицијата презема мерки за расчистување на случаите на семејно насилство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повреден тетовчанец во судир на два автомобили
Вчера во 11.00 часот во СВР Тетово било пријавено дека на регионален пат Тетово – с.Јажинце, на влез за тетовско Теарце, се случила сообраќајна несреќа помеѓу патничко моторно возило „фолксваген голф“, управувано од Ш.Џ.(74) од тетовско Шемшово и патничко возило „фолксваген голф“, управувано од А.Р.(78) од тетовско Пршовце, двете со тетовски регистарски ознаки.
Во несреќата, А.Р. се здобил со тешки телесни повреди, додека Ш.Џ. се здобил со телесни повреди, констатирани во Клиничка болница Тетово.
Увид на местото извршила екипа од СВР Тетово.
Црна хроника
Тешко повредена девојка од Скопје откако четирицикл излета од земјен пат во Галичник
Вчера во 15.00 часот во СВР Тетово било пријавено дека од шумски земјен пат во атар на село Галичник, на место викано „Горно стопанче“, излетал четирицикл со скопски регистарски ознаки, управуван од Б.Л.(22) од Скопје.
Во несреќата со тешки телесни повреди се здобила сопатничката А.Ц.(23) од Скопје, додека возачот се здобил со телесни повреди, констатирани во Општа болница „8 Септември“ во Скопје. Увид на местото извршила екипа од ОВР Гостивар.
Црна хроника
Со „цитроен“ во Струмица маж излетал од патот, тешко повреден сопатникот
Во 00.15 часот во СВР Струмица било пријавено дека на бул.„Гоце Делчев“ во Струмица, патничко возило „цитроен“ со струмички регистарски ознаки, управувано од И.Н.(56) од Струмица, излетало надвор од патот.
Во несреќата со тешки телесни повреди се здобил сопатникот Ж.А., констатирани во Медицински центар Струмица. Увид на местото извршила екипа на Полициската станица Струмица.