Синоќа во 19.30 часот во ОВР Струга, пријавено е дека во продажен објект на магистралниот пат Струга – Дебар, едно лице со закана со огнено од оружје се обидело од вработената да одземе пари, но кога почнала да бара помош, лицето се откажало и заминало од местото.

Увид извршија полициски екипи и се преземаат мерки за расчистување на случајот, соопшти полицијата.

Вчера, во 9.30 часот, на граничниот премин Деве Баир, на влез во државата, полициски службеници го лишиле од слобода 52-годишниот Ч. Ј. од Република Турција затоа што при извршена пасошка контрола и проверка во оперативната евиденција било констатирано дека приложил фалсификувана возачка дозвола.

Запознаен бил јавен обвинител од Основното јавно обвинителство од Крива Паланка, а Ч. Ј. бил предаден на полициски службеници од Полициската станица Крива Паланка за понатамошна постапка.

Вчера во 16.20 часот на автопатот Гевгелија – Демир Капија, кај тунели Демир Капија, полициски службеници од Полициската станица за граничен надзор Михајлово го лишиле од слобода А.С.(28) од Кичево.

При преглед во возилото „волво“, кое го управувал, биле пронајдени три лица мигранти и било констатирано дека регистарските таблички  припаѓаат на возило „мерцедес“.

Мигрантите биле пренесени во Прифатно – транзитен центар Гази Баба во Скопје, а возилото било сместено во кругот на Регионалниот центар за гранични работи Југ за понатамошна постапка. За настанот бил запознаен јавен обвинител.