Црна хроника
Во Велес тешко повреден старец при излегување од автобус
Во СВР Велес вчера во 8:10 часот било пријавено дека на улица АСНОМ, во близина на бензинска пумпа, при излегување од автобус мерцедес со велешки регистарски ознаки, управуван од 42-годишниот С.М. од село Горно Оризари, велешко, кој застанал за да излезат патници, 89-годишниот П.К. од Велес паднал и се здобил со тешки телесни повреди, констатирани во болницата во Велес.
Пациентот е задржан на понатамошен третман на лекување на одделот за ортопедија и трауматологија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повреден малолетник на велосипед во Прилеп
Вчера во Полициската станица Прилеп било пријавено дека на ул.„Иво Лола Рибар“ во Прилеп се случила сообраќајна несреќа помеѓу патничко возило „хјундаи“ со прилепски регистарски ознаки, управувано од М.Ш.(59) од Прилеп и велосипед управуван од малолетник од Прилеп.
Во несреќата со тешки телесни повреди се здобил малолетникот, констатирани во Градската општа болница Прилеп.
Извршен бил увид од увидна екипа од ОВР Прилеп.
Црна хроника
Со возило удрил во малолетничка, а потоа и во паркирано возило, девојчето со тешки повреди пренесенo на клиника
Вчера во Полициската станица Прилеп било пријавено дека на крстосницата од ул.„Мице Козар“ со ул.„Никола Карев“ во Прилеп, патничко возило „мазда“ со прилепски регистарски ознаки, управувано од Е.Р.(38) од Прилеп, удрило во малолетен пешак од Прилеп, а потоа и во паркирано патничко возило „фиат“ со прилепски регистарски ознаки.
Во несреќата со тешки телесни повреди се здобила малолетничката, констатирани во Градската општа болница Прилеп.
Извршен бил увид од увидна екипа од ОВР Прилеп.
Црна хроника
Тешко повредена жена, со возило излетала од патот кај клучката кај Хиподром
Вчера во 06.00 часот во СВР Скопје било пријавено дека на автопатот Куманово – Скопје, во близина на клучката „Хиподром“, патничко возило „рено“ со скопски регистарски ознаки, управувано од Т.Н.(59) од село Ајватовци, скопско, излетало надвор од коловозот.
Во несреќата со тешки телесни повреди се здобила Т.Н., констатирани во Градската општа болница „Св.Наум Охридски“ во Скопје.
Извршен бил увид од увидна екипа од СВР Скопје.