Топ
Во тешка сообраќајна несреќа во Делчевско загина маж
![](https://makfax.com.mk/wp-content/uploads/2023/08/brza-pomosh-5.jpg)
Вчера, во 12.15 часот, во Полициската станица Делчево било пријавено дека во атарот на село Драмче, Делчевско, се случила сообраќајна несреќа помеѓу патничко возило „фиат пунто“, со штипски регистарски ознаки, управувано од 76-годишниот Ф. Л. од село Град, Делчевско, и патничко возило „шкода“, со делчевски регистарски ознаки, управувано од 33-годишниот Н. Д. од Делчево, извести МВР.
„Во несреќата тешки телесни повреди добил Ф. Л., кој починал на пат кон болницата. Лекар од итнагта медицинска помош констатирал смрт, а по наредба на јавен обвинител, телото на починатиот било предадено на обдукција“, соопшти МВР.
Возачот Н. Д. добил телесни повреди, а увид на местото извршила екипа од ОВР Делчево.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Eкипа на Брза помош заглавенa во лифт во скопска Кисела Вода
![](https://makfax.com.mk/wp-content/uploads/2022/10/brza-pomosh.jpg)
Екипа на скопската Брза помош е заглавена во лифт во подрумски дел од зграда во Кисела Вода, соопшти Центарот за управување со кризи.
Случајот, како што информираат, бил пријавен на единствениот телефонски број за итни случаи 112 во 11:22 часот.
„Во 11:22 часот на 112 во ЦУК добивме пријава за заглавена екипа на Итната медицинска помош од Скопје заедно со пациент, во лифт во подрумски дел од зграда на ул. Христо Татарчев бр.47, Кисела Вода, Скопје. Лифтот паднал најмалку од приземје во подрум. Во него имало екипа на итната медицинска помош, најмалку 4 лица биле во лифтот во моментот на падот“, се нагласува во информацијата.
Од страна на ЦУК итно биле известени БППЗ Скопје и СВР Скопје.
Подоцна ЦУК соопшти дека во лифтот немало пациент, туку екипата на Брзата помош била во зградата на констатација на смрт.
Македонија
Кривична за Самка Ибраимовски поради закани кон уставен судија преку „Фејсбук“
![](https://makfax.com.mk/wp-content/uploads/2018/10/samka-ibraimovski.png)
Самка Ибраимовски од партијата ПЦЕР и поранешен пратеник доби кривична пријава поради закани кон уставен судија.
Министерството за внатрешни работи објави дека целосно е расчистен случајот, а Ибраимовски преку својот фејсбук профил упатил, како што велат, сериозни закани и повици за насилство кон судија на Уставниот суд.
„Веднаш по добиената пријава, МВР презеде соодветни мерки и беше извршен службен разговор со С.И. во СВР Тетово“, објави МВР.
Против него поднесена е кривична пријава за загрозување на сигурноста.
Ибраимовски негираше дека упатил закани. Тој тврди дека неговите ставови на Фејсбук против Уставниот суд кои дозволи извршителите да продолжат да наплаќаат долгови, се негово демократско право.
„Јас сум поставил само едно прашање – што ако настанат убиства? Сум го пренел гласот на народот, што ми пишуваат мене, во мојот инбокс, каде кажуваат дека: „ќе земам пиштол“ и дека: „ќе отепам некого“ или „јас ќе се отепам“. Тоа е мое едно поставено прашање, кој ќе одговара за настанати убиства ако се случат, не сум се заканувал на судии“, рече Ибраимовски.
Според Ибраимовски, главниот проблем и прашање кое јавноста треба да го постави е како е можно еднаш Уставниот суд да отфрли иницијатива за преиспитување на законитоста и уставноста на измените на Законот за облигациски односи, а потоа истата своја одлука со иста иницијатива повторно да ја преиспитува.
Свет
Марк Руте и официјално нов генерален секретар на НАТО, Столтенберг заминува од чело на Алијансата по 10 години
![](https://makfax.com.mk/wp-content/uploads/2017/05/mark-rute.jpg)
Холандскиот премиер во заминување Марк Руте е избран за нов генерален секретар на НАТО.
Северноатлантскиот совет одлучи во средата на 26 јуни 2024 година да го назначи холандскиот премиер Марк Руте за следен генерален секретар на НАТО, наследувајќи го Јенс Столтенберг.
Руте ќе ги преземе своите должности како генерален секретар од 1 октомври 2024 година, кога му истекува мандатот на Столтенберг по десет години на чело на Алијансата.
По одобрувањето на Унгарија и Словачка, Романија ја потврди својата поддршка за Руте минатата недела, при што романскиот претседател Клаус Јоханис ја повлече својата кандидатура за највисокото место во НАТО.
Рута во критичен момент ќе го преземе водството во НАТО алијансата. Неговиот мандат ќе започне нешто повеќе од еден месец пред изборите во САД, кои ќе ја обликуваат судбината на воената алијанса.
Поранешниот американски претседател Доналд Трамп, актуелен републикански кандидат, вети дека ќе остане во НАТО, но се закани дека ќе ја прекине американската помош за Украина доколку биде реизбран.
Марк Руте е роден на 14 февруари 1967 година и тој е холандски политичар кој беше премиер на Холандија од 2010 година. Руте е голем поддржувач на Украина.