Топ
Гостиварец со бензин полеал вработен во станица за технички преглед и се обидел да го запали возилото
Полицијата денес го приведе И. Р. (44) од гостиварското село Градец.
Според пријавеното, тој се сомничи дека во објект за технички преглед во Гостивар, најпрвин со бензин полеал еден од вработените, а потоа и своето возило по што со запалка се обидел да го запали возилото.
Според пријавеното, исто така И. Р. бил незадоволен од услугата што ја барал, но во намерата да го запали возилото бил спречен и совладан од неколку лица присутни во објектот.
Извршен е комплетен увид, тој е задржан во Полициската станица Гостивар и во координација и консултација со јавен обвинител се преземаат мерки за целосно расчистување и документирање на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кина: Toj што ќе се осмели да не’ раздели од Тајван ќе биде здробен на парчиња
Кинескиот министер за одбрана Донг Јун предупреди дека секој што ќе се осмели да бара независност на Тајван ќе биде здробен на парчиња и ќе се соочи со уништување. Тој ги обвини надворешните сили дека го вовлекле островот во опасна ситуација.
Во говорот на дијалогот Шангри-Ла во Сингапур, најголемиот азиски одбранбен самит, Донг рече дека Пекинг е посветен на мирно обединување со Тајван, но дека е подготвен за сите видови екстремни ситуации и дека секој обид за да бараат независност би било залудно.
Пекинг го гледа Тајван како кинеска провинција и го опиша новоизбраниот претседател на островот Лаи Чинг-те како „опасен сепаратист“. Обраќајќи им се на претставниците на одбраната и владата во неделата наутро, Донг рече дека сепаратистите дале фанатични изјави кои го покажуваат нивното предавство на кинеската нација и предците.
„Ќе бидат заковани на историскиот столб на срамот“, нагласи тој. Ја обвини владејачката Демократска напредна партија во Тајван дека бара отцепување, пишува „Гардијан“.
„Тие се подготвени да го избришат кинескиот идентитет на Тајван и да ги прекинат социјалните, историските и културните врски преку Тајванскиот теснец“, рече тој. Верува дека и надворешните сили се обиделе да ги „охрабрат тајванските сепаратисти во обид да ја задржат Кина со помош на Тајван“.
„Овие злонамерни цели го вовлекуваат Тајван во опасна ситуација“, истакна кинескиот министер.
Претседателската канцеларија на Тајван одговори дека Кина погрешно ја претставила позицијата на тајванската влада на форумот, каде на Тајван не му е дозволено да испраќа свои претставници.
Коментарите на Донг дојдоа непосредно по состанокот со неговиот американски колега Лојд Остин, првиот разговор лице в лице меѓу двајцата шефови на одбраната во последните 18 месеци. Според информациите, средбата траела повеќе од еден час.
Донг рече дека Кина е посветена на мирно обединување, но додаде: „Кој ќе се осмели да го одвои Тајван од Кина, ќе биде смачкан на парчиња и уништен“.
„Како министер за одбрана, да бидам многу искрен со вас, ние сме подготвени за секакви екстремни ситуации што можат да се случат со независноста на Тајван и многу сме уверени во нашите способности да ја спречиме“, додаде тој.
Свет
Земјотрес од 5,9 степени во Јапонија
Земјотрес со јачина од 5,9 степени според Рихтеровата скала го погоди утрово централниот дел на Јапонија, но не е издадено предупредување за цунами, соопшти Јапонската метеоролошка агенција.
Епицентарот на земјотресот е на полуостровот Ното, кој веќе беше погоден од силен земјотрес на 1 јануари во кој загинаа 230 лица. Според телевизијата NHK, локалните власти соопштија дека засега не е забележана материјална штета.
Афтершок со јачина од 4,8 степени се случи 10 минути по првиот земјотрес.
Јапонија често доживува земјотреси, а во обид да ги ограничи нивните последици, применува исклучително строги правила за градба.
Катастрофата во Фукушима во март 2011 година, по разорниот земјотрес и цунамито кои следеа и ја оштетија нуклеарната централа, се уште е длабоко запаметена кај населението.
Регион
СНС освои најмногу гласови во Белград, Нови Сад и Ниш на локалните избори во Србија
СНС освои најмногу гласови во Белград, Ниш и Нови Сад на локалните избори што се одржаа вчера во Србија во 89 градови и општини.
Според првичните проценки, во Белград, листата на СНС и СПС „Белград утре“ освоила 52,9 отсто, опозициската листа „Крени промени“ со 17,5 отсто од гласовите, додека на третото место според проценките е листата на опозицијата од поранешната коалиција Србија против насилството-„Го бираме Белград“ со 12,3 отсто. За нив е „Ние силата на народот“ со 9 отсто, и руската партија со 1,2 отсто.
Во Нови Сад, најмногу гласови освоила листата на СНС „Нови Сад утре“ – 53,1 отсто, потоа се „Обединети за слободен Нови Сад“ со 24 отсто, „Крени промени“ со 9,8 отсто гласови, „Херои“ со 3,8 отсто од гласовите и Сојузот на војводинските Унгарци со 1,2 отсто.
И во Ниш најмногу гласови освоила листата на СНС „Ниш утре“, но опозицијата тврди дека нема мнозинство за совет.