Црна хроника
Го грабнал должникот со сатар и го тероризирал за долг од 20.000 денари

56-годишен маж е осомничен дека насилно со сатар го грабнал лицето кое му должело 8.000 денари и телефон вреден 12.000 денари, информираат од ОЈО Скопје.
Осомничениот, на 8 февруари во населбата Ѓорче Петров во 01.30 часот го нападнал оштетениот со остар железен предмет, насилно влегувајќи во неговиот дом и започнувајќи со физичко насилство и закани по живот. Осомничениот го удрил оштетениот по главата, градниот кош и грбот, вршел психолошки и физички притисок и го присилил да му врати паричен долг од 8.000 денари и мобилен телефон од 12.000 денари.
Додека оштетениот бил затворен и изложен на закани за животот, тој успеал да избега по што случајот бил веднаш пријавен во полиција. Се уште, обвинителот поднел предлог до Основниот кривичен суд за определување мерка притвор за осомничениот, поради опасност од бегство и влијание врз сведоците.
Јавниот обвинител од Основното јавно обвинителство во Скопје започна истражна постапка против 5ед член 141 став 2 во врска со став 1 од Кривичниот законик.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
1624 семки канабис одземени од велешанец при претрес на неговиот дом, полицијата го уапси

Полицајци од одделот за недозволена трговија со дрога го уапси 41-годишниот (Т.Б.) од Велес. По издадена судска наредба тие при претрес во неговиот дом пронајдоа и му одзедоа кафена прашкаста материја, 1624 семки канабис и остатоци од зелена растителна материја, извести полицијста
(Т.Б.) е приведен во полициска станица, известен е јавен обвинител и по документирање на настанот, против него ќе биде поднесена соодветна пријава.
Црна хроника
Полицијата уапси 15-годишник во Скопје, насила одзел пари на 44- годишен маж

Вчеравечер полицијата уапси 15-годишен малолетник од Скопје по претходна пријава дека во скопски Центар насила одзел пари од 44-годишен маж.
Оштетениот пријавил во полиција која, пак, за кусо време го пронашла и го уапсила малолетникот. Од МВР најавија соодветна пријава по целосно документирање на случајот.
Црна хроника
Му стигнало писмо од извршител за два кредита кои не ги зел, 23-годишен скопјанец пријавил измама

23-годишен скопјанец во четвртокот во скопската полиција пријавил злоупотреба на личните податоци. Според пријавата, непознато лице во 2021 година на име на пријавителот зело два кредита од финансиско друштво. Дознал за измамата минатата недела кога му стигнало писмо од извршител за неплатен долг во износ од 80.758 денари.
Министерството за внатрешни работи презема мерки за расчистување на случајот.