Црна хроника
Две жени претепани со палки и клоци од четворица мажи во Гостивар, полицијата пукала во воздух за да ги смири

Основното јавно обвинителство во Гостивар до надлежниот суд поднесе обвинителен предлог против четири лица за кривично дело насилство казниво според Кривичниот законик.
На 22.6.2021 година четворицата жители на гостиварската населба Циглана извршиле грубо насилство и ја загрозиле сигурноста телесно повредувајќи две жени.
Кога една од жените дошла во дворот на еден од обвинетите за да го побара својот сопруг, обвинетиот 45-годишник ја нападнал, ја фатил за косата, ја турнал на земјата и почнал да ја удира со клоци.
Му се приклучиле и другите тројца обвинети на возраст од 20, 31 и 22 години удирајќи ја оштетената по целото тело.
Првиот обвинет зел и палка, па продолжил да ја удира. Во тој момент кон оштетената тргнала уште една жена, која сакала да ѝ помогне, но обвинетите ја турнале и таа паднала во бесвест.
Поголем број сведоци на настанот исто така се почувствувале загрозени и повикале полиција.
Кога пристигнале, полициските службеници биле принудени да испукаат неколку проектили во воздухот за да ги смират и оттргнат обвинетите. Двете жени во инцидентот добиле телесни повреди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Втор претрес денеска во демирхисарско, пронајдена дрога и оружје

Полицијата го приведе М.Ш.(33) од Битола, со привремено живеалиште во селото Ракитница, Демирхисарско .
Врз основа на наредба од Основен суд Битола, извршен бил претрес во домот и помошните простории кои ги користи М.Ш. во с.Ракитница, при што биле пронајдени и одземени марихуана, дробилка, дигитална вага, воздушна пушка и дијаболи.
По целосно документирање на настанот, против лицето ќе биде поднесена соодветна пријава.
Претхоно денес беше приведен и М.С.(62) од с.Обедник, демирхисарско, по претрес во којшто беа најдени и одземени четири пушки, еден пиштол и 158 куршуми различен калибар.
Црна хроника
Пушки, пиштол и муниција пронајдени во Демирхисарско: уапсено едно лице

Денеска, полициски службеници од Надворешната канцеларија за криминалистички работи Демир Хисар заедно со полициски службеници од Полициската станица од општа надлежност Демир Хисар го лишиле од слобода М.С.(62) од с.Обедник, демирхисарско.
Врз основа на наредба од Основен суд Битола извршен бил претрес во домот и помошните простории кои ги користи М.С. во с.Обедник, при што биле пронајдени и одземени четири пушки, еден пиштол и 158 куршуми различен калибар.
Полицијата соопшти дека по целосно документирање на настанот, против лицето ќе биде поднесена соодветна пријава.
Црна хроника
Едно лице тешко повредено во Аеродром, го нападнале поради недоразбирање во сообраќајот

Едно лице е тешко повредено во Аеродром, го нападнале неколку лица поради недоразбирање во сообраќајот.
Според информациите во МВР, синоќа околу 00.10 часот во СВР Скопје било пријавено дека на автобуска постојка на подрачјето на општина Аеродром во Скопје, поради претходно недоразбирање во сообраќајот, Р.Ж.(56) од Скопје бил физички нападнат од неколку лица. Тој со тешки телесни повреди е пренесен во Комплекс клиники „Мајка Тереза“ во Скопје.
Се преземаат мерки за расчистување на случајот.