Црна хроника
Две лица измамени при обид да купат огревно дрво

Две лица од Скопско пријавиле измама при обид да дојдат до огревно дрво.
Во првиот случај, В.П.(67) од село Трубарево пријавил дека напознато лице со измама му одзело 200 евра. Кога пријавителот му кажал на сторителот дека сака да купи дрва од него, но првин да ги види, тие се упатиле кон камионот каде што се наоѓале дрвата. Во меѓувреме сторителот се вратил во домот на пријавителот и од сопругата на В.П. одзел 200 евра со изговор дека така кажал нејзиниот сопруг по што заминал во непознат правец.
Вториот случај го пријавила Ј.М. (55) од село Брњарци, на која ѝ биле одземени 5.000 денари. Измамата е извршена од страна на непознато лице на тој начин што пријавителката му дала пари за да ѝ донесе огревно дрво и кога ѝ рекол дека веднаш ќе ѝ ги донесе дрвата, заминал во непознат прваец.
Полицијата соопшти дека презема мерки за расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Во Центар натепана лекарка од Итна медицинска помош

Физички напад врз здравствен работник од млада скопјанка бил пријавен во полиција рано утринава, информираат од Министерството за внатрешни работи.
– Денеска во 2:40 часот во Секторот за внатрешни работи – Скопје, Д.Б., на возраст од 36 години од скопско Булачани, пријавила дека синоќа околу 23:15 часот пред угостителски објект на подрачјето на Центар, додека извршувала работни задачи во својство на здравствен работник во комбе од Итна медицинска помош, била физички нападната од 24-годишната И.Д. од Скопје, појаснуваат од МВР.
По целосно документирање на слуачјот, како што истакнуваат, ќе следува соодветн поднесок.
Македонија
Романец осомничен за тешка кражба во Скопје

Основното јавно обвинителство Скопје поведе постапка против романски државјанин, осомничен дека во Скопје извршил кривично дело – Тешка кражба според член 236 став 1 точка 3 од Кривичниот законик.
Осомничениот 41-годишник делото го извршил на 21 март, во Ѓорче Петров, кога на дрзок начин и со сила одзел златен ланец со крст од еден оштетен, тргајќи му го од вратот. Потоа почнал да претура по полицата од дневната соба, ја отворил фиоката и одзел 2.500 денари. Така осомничениот се стекнал со вкупна противправна имотна корист во износ од 11.500 денари, по што веднаш се дал во бегство.
Имајќи предвид дека станува збор за странски државјанин без регулиран престој во државава, јавниот обвинител оцени дека постои опасност од бегство и до Судот достави предлог за определување мерка притвор.
Црна хроника
Кај осуденик во затворот во Идризово најдена марихуана

Секторот за внатрешни работи – Скопје поднесе кривична пријава против Р.А., 28-годишен скопјанец, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.
Како што појаснуваат од Министерството за внатрешни работи, на 4 јуни, затворската полиција извршила претрес во Казнено-поправната установа „Затвор – Идризово“, при што кај пријавениот била пронајдена и одземена марихуана.