Црна хроника
Детали за несреќата во Тетово: Возел 18-годишник, тешко повреден е сопатникот

Сообраќајна несреќа се случи во центарот на Тетово кога автомобил се преврте на кров откако удрил во бетонскиот ѕид на булеварот.
„Несреќата се случила околу 19 часот на булевар ,,Маршал Тито“ во близина на Центарот за култура, при што патничко возило БМВ со тетовски регистерски таблици управувано 18-годишник од тетовско Ларце, изгубило контрола и се превртело на кров. Во незгодата со тешка повреда се здобил сопатникот, 26- годишник од истото село, додека возачот поминал со телесни повреди констатирани во Клиничка болница Тетово“, соопшти СВР Тетово.
Увид на лице место извршила екипа од СВР Тетово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Приведени тројца државјани на Чешка, пронајдени стари монети

Вчера при контрола на видео надзорен систем на теренот на ПС за ГН Старавина, на местото викано „Брест“ било забележано моторно возило „дачија дастер“ со странски регистерски таблички.
По извршени проверки, во 19 часот, во близина на село Подмол, полициски службеници го пронашле возилото и при извршена контрола констатирано е дека во него биле J.M.(26), Ф.К. (53) и M.H. (47), сите од Р.Чешка, а сместени во закупен стан во Прилеп.
Тие се лишени од слобода и спроведени во ОВР Прилеп.
По наредба на надлежен јавен обвинител од ОЈО Прилеп, извршен е претрес во домот каде што престојувале трите лица, при што е пронајдена метална кутија во која имало 20 стари монети.
Полицијата соопшти дека се преземаат мерки за расчистување на случајот.
Црна хроника
Шеесетгодишник силувал девојче помало од 15 години во Македонски брод

Шеесет и четиригодишниот Б.С. од Македонски Брод е во 30-дневен притвор поради силување на девојче помало од 15-години.
Грозоморниот настан, за кој информираше полицијата, се случил вчера. Се сомничи дека го бакнувал и допирал по телото малолетното девојче од овој град.
Запрепастува и тоа што истото се случувало и пред еден месец. Од МВР информираа дека истиот маж бил пријавен од страна на очевидци дека и тогаш го злоставувал девојчето. Пријавата стигнала до Центарот за социјални работи во Македонски Брод, но од нивна страна не било постапено.
Ќе следат дополнителни активности за целосно расчистување на настанот.
Црна хроника
Се степале малолетнички, па се вмешала бабата

Вчера дека на подрачјето на Шуто Оризари, бил нарушен јавниот ред и мир со физичка пресметка помеѓу две малолетнички од Скопје.
„Потоа, А.Д., баба на една од малолетничките, физички ја нападнала другата малолетничка“, велат од МВР.
Се преземаат мерки за расчистување на случајот.