Црна хроника
Директор за свои потреби си зел месо наменето за Домот за стари лица во Прилеп

Прилепската полиција поднесе кривична пријава против 56-годишниот прилепчанец Д. Р. за сторено кривично дело злоупотреба на службената положба и овластувањето, кое го направил како директор на Домот за стари лица.
Како што информираат од МВР, во периодот од 2009 до 2015 година пријавениот како в.д. директор во Домот за стари лица ЈОУ „Киро Крстески – Платник“, во договор со одговорните лица од претпријатието „Марфил“ – Прилеп, подигнал поголеми количини сувомесни производи и месо за свои потреби за кои приемот го потврдувал со потпис и примал фактури што гласеле на име на Домот за стари лица.
На овој начин Д. Р. го оштетил Домот за стари лица за износ од 294.766 денари. Исто така, пред да биде разрешен од позицијата в.д. директор тој побарал од одговорното лице во магацинот да начини документација со која ќе го потврди приемот на производите наведени во споменатите фактури.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Полициски службеник од ГП Блаце побарал и примил поткуп, поднесена кривична пријава

Одделот за внатрешна контрола, криминалистички истраги и професионални стандарди при Министерството за внатрешни работи до надлежното Основно јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворската полиција, поднесе кривична пријава против полицискиот службеник С.Ф. поради постоење основи на сомнение за сторено кривично дело „примање поткуп“ по член 357 од Кривичниот законик.
На 15.12.2024 на Граничниот премин Долно Блаце, пријавениот С.Ф., полициски службеник во Полициската станица за граничен премин Долно Блаце, побарал и примил пари за да изврши службено дејствие кое не смеел да го изврши. Имено, при контрола на лица кои ја преминувале државната граница кон Косово, за парична награда, пропуштил лице да ја премине државната граница со видно оштетена и преправена патна исправа, со скината предна корица, а пластифицираната страница со биометриски податоци била одвоена од патната исправа, а потоа залепена помеѓу страниците. Исто така, пријавениот не го завел лицето во граничните евиденции како лице кое преминало државна граница и не проверил дали минува во евиденциите за проверки.
Одделот за внатрешна контрола, криминалистички истраги и професионални стандарди ќе поднесе предлог за поведување на постапка за утврдување на дисциплинска одговорност против полицискиот службеник и ќе изрече задолжителна мерка за отстранување од работното место до завршување на дисциплинската постапка.
Црна хроника
Казни за 777 возачи во текот на вчерашниот ден, 212 за пребрзо возење

На подрачјата на осумте сектори за внатрешни работи во текот на вчерашниот ден полициските службеници, во рамки на интензивните сообраќајни контроли, издадоа вкупно 777 платни налози, по преземени мерки по основ на Законот за безбедност на сообраќајот на патиштата и Законот за возила.
По однос на изречените прекршочни санкции и натаму најголемиот број изречени прекршоци против возачи – 227 се однесуваат на непрописно паркирање, а 212 – се однесуваат на непочитување на дозволената брзина на движење.
Потоа следат прекршоците по основ на непоседување на возачка дозвола – 53; па прекршоците за некористење на сигурносен појас (47) и за користење на мобилен телефон при возење (28), како и 25 прекршоци што ги сториле пешаци.
Во рамки на контролите, во три случаи евидентирано било минување на возило на црвено светло, осуммина возачи управувале возило под дејство на алкохол, а евидентирани се и 21 нерегистирано возило, како и шест возила кои што биле технички неисправни.
Министерството за внатрешни работи најави дека продолжува со засилените мерки и активности во поглед на сообраќајната безбедност и апелира до сите учесници во сообраќајот за целосно почитување на сообраќајните правила и прописи.
Црна хроника
Претрес во Кочани, пронајдени дрога и оружје, приведени две лица

Вчера во 17.15 часот во Кочани, полициски службеници од ОВР Кочани ги лишиле од слобода К.Е.(31) и М.Е.(25), двајцата од Кочани. При претрес во нивниот дом, извршен со судска наредба, биле пронајдени и одземени ловечка пушка „Бајкал“ калибар 12 GA, куршуми со различен калибар, марихуана и грендер со остатоци од марихуана.
Лицата биле приведени во полициска станица и по целосно документирање на случајот, против нив ќе биде поднесена соодветна пријава.