Црна хроника
Драма во Сплит: Полицијата фатила македонски државјанин при кражба, тој ги нападнал со чекан
Македонски државјанин (47) нападнал полицајци со чекан при грабеж на деловен простор во Сплит, откако полицијата дошла по пријава на граѓанин.
Полицаецот кој прв се доближил на местото на настанот забележал дека вратата е отворена и претпазливо се приближил сомневајќи се дека провалникот се уште е внатре. Во тој момент, непознат маж, држејќи чекан се нафрлил кон полицаецот, удирајќи го во градите, јавуваат хрватските медиуми.
Полицаецот паднал на подот и мажот почнал да бега, но службеникот набргу станал и истрчал по него заедно со уште двајца колеги. Тие му наредиле да застане, но крадецот ги игнорирал и продолжил да бега.
Полициските службеници, решени да го фатат сторителот на делото, продолжиле да трчаат по него и успеале да го стигнат неколку улици подалеку.
Во моментот кога го стигнале, мажот се свртел кон нив. Полицаецот употребил присилни средства врз него и му го отстранил алатот од раката. Мажот кој бил легнат на подот, продолжил активно да се спротивставува, дури и откако бил задржан, пишува „Слободна Далмација“. По укажаната лекарска помош бил пренесен во службени простории заради спроведување на кривична истрага. Утврдено е дека се работи за 47-годишен државјанин на Македонија.
На лице место е извршена истрага, забележани се оштетувања на отворениот сеф од кој се украдени 205 евра кои се пронајдени и кај мажот, а на друг неотворен сеф е констатирана штета од која не можел да се ослободи на отворено бидејќи полицајците очигледно го прекинале.
Крадецот се наоѓа во притвор, пренесе „Блиц“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Затвореници претепале друг осуденик во затворот Идризово
Вчера во 10.00 часот во СВР Скопје било пријавено дека во Казнено – поправната установа Затвор Идризово, осуденикот А.Б.(35) од Скопје бил физички нападнат од осудениците З.Р. и К.Л..
Се преземаат мерки за расчистување на случајот.
Црна хроника
Скопјанец претепан од својот внук
Вчера во 22.45 часот во СВР Скопје, 49 – годишен жител на скопско село пријавил дека околу 22.00 часот во неговиот дом, по претходна расправија, бил физички нападнат од неговиот малолетен внук од Скопје.
Се преземаат мерки за расчистување на случајот.
Црна хроника
Во Центар пронајден починат маж, телото предадено на обдукција
Вчера во 13.30 часот во СВР Скопје било пријавено дека во домот на подрачјето на Центар во Скопје бил пронајден починат В.М.(65) од Скопје.
Лекар од Итна медицинска помош констатирал смрт, а по наредба на јавен обвинител телото на починатиот било предадено на обдукција.