Црна хроника
Загина двегодишно дете во Прилепско, го поклопило потпорен ѕид

Двегодишно дете од село Десово, Прилепско, загина откако врз него паднал потпорен ѕид во куќата во која живеело.
Несреќата се случила вчера околу 9 и 30 часот. Според информациите на МВР, детето влегло во помошен објект во куќата кој сè бил во изградба, при што од засега непознати причини врз него паднал преградниот ѕид. Таткото А.Ф. и неговите браќа Е.Ф и Ш.Ф. го извадиле детето од урнатините и со сопствено возило тргнале кон Прилеп, за да му се укаже медицинска помош. Попатно, на влезот во градот пресретнале возило на Итна медицинска помош, побарале интервенција, но екипата на Итна медицинска помош констатирала смрт кај детето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Украдени бистите на Крсте Петков Мисирков и на Ѓорѓија Пулевски, спомен-бистата на Кочо Рацин оштетена

Вчера во 09.30 часот во СВР Скопје, од ЈП „Паркови и зеленило“ било пријавено дека во Градски парк, кај бараките на Град Скопје, бил одземен споменикот на Крсте Петков Мисирков, а спомен бистата на Кочо Рацин била оштетена.
Истиот ден во 13.25 часот, од Основно училиште „Ѓорѓија Пулевски“, на подрачјето на општина Аеродром, било пријавено дека од дворот на училиштето била одземена спомен биста на Ѓорѓија Пулевски.
Полицијата соопшти дека се преземаат мерки за расчистување на случаите.
Црна хроника
Ги мачеле животните: кривична за тетовци што учествувале во борби со кучиња

СВР Тетово поднесе кривична пријава против С.У.(51) од с.Долно Палчиште, тетовско, Ј.И.(44) од с.Дебреше и А.М.(18) од с.Горно Палчиште, тетовско.
Тие се сомничат за сторено кривично дело „мачење животни“.
Имено на 27.02.2025 во атар на с. Долно Палчиште, тетовско, полициски службеници од СВР Тетово ги затекнале пријавените, кои учествувале со свои кучиња во борба со кучиња.
Црна хроника
Прегазен 35-годишен тетовец

Вчера во 09.30 часот во СВР Тетово било пријавено дека на ул.„Благоја Тоска“ во Тетово, патничко возило „бмв“ со тетовски регистарски ознаки, управувано од А.Ш.(49) од Тетово, удрило во пешакот Н.К.(35) од Тетово.
Во несреќата со тешки телесни повреди се здобил пешакот, констатирани во Клиничка болница Тетово.
Извршен бил увид од увидна екипа од СВР Тетово.