Црна хроника
Запленети речиси 30.000 пиротехнички средства во Гостивар, Штип и во Битола
Полицијата денеска привела четири лица кај кои биле пронајдени пиротехнички средства. Кај двајца гостиварци биле пронајдени и одземени 4.800, односно 1.835 пиротехнички средства. Кај битолчанец се најдени 6.939, а кај штипјанец 2.900 пиротехнички средства.
„Околу 12.30 часот, на улиците Борче Јовановски и Браќа Ѓиновски во Гостивар, полициски службеници на СВР Тетово – Одделение за внатрешни работи Гостивар ги лишиле од слобода Б. А. (48) од Гостивар, затоа што во возило ‘опел мерива’ му биле пронајдени и одземени 4.800 пиротехнички средства, и 35-годишниот гостиварец С. К., од кого биле одземени 1.835 пиротехнички средства.
Двајцата се задржани во Полициската станица Гостивар и по целосното расчистување и документирање на случајот, ќе им бидат изготвени соодветни поднесоци.
Исто така, денеска, (29.12.2020) полициски службеници од Одделението за крим-полиција – отсекот за недозволена трговија со дрога и оружје при СВР Битола, заедно со полициски службеници од Полицискаа станица од општа надлежност Битола, од Н. Ш. (57) од Битола одзедоа 6.939 пиротехнички средства, а Н. Ш. е лишен од слобода.
Денеска, 29.12.2020, полициски службеници од СВР Штип, по добиени оперативни созаннија, при преглед на возило управувано од А. Ф. (52) од Штип, пронајдоа и одзедоа 2.900 парчиња пиротехнички средства. Дополнително, се преземени мерки и во врска со случајот се пронајдени и одземени 12.544 пиротехнички средства. По документирање на случајот, ќе биде поднесена соодветна пријава“, се наведува во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.