Црна хроника
Запленети над 3.000 парчиња пиротехика во Лозово

По претходно добиени оперативни сознанија, денеска бил извршен полициски претрес во селото Каратманово, општина Лозово, во врска со недозволена трговија со пиротехнички средства.
Како што информираат од МВР, при претресот кај 55-годишник со иницијали З.Р, извршен со судска наредба, биле пронајдени над 3.000 парчиња пиротехнички средства.
По целосно документирање на случајот против З.Р. ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Претрес во валандовско, пронајдена дрога, приведено едно лице

Синоќа во селото Марвинци, валандовско, полицијата го приведе К.А.(34) од село Марвинци.
При претрес на неговиот дом, извршен со судска наредба, биле пронајдени бела прашкаста материја, предмети со остатоци од бела прашкаста материја, шприц и мало шише исполнети со течност.
За настанот е запознаен јавен обвинител од Основното јавно обвинителство Гевгелија, а по документирање на случајот против К.А. ќе биде поснесена соодветна пријава.
Црна хроника
Тешко повреден мотоциклист од Куманово по судир со возило

Во СВР Куманово синоќа околу 20.30 часот е пријавено дека на крстосница од ул.„Тоде Мендол“ и ул.„1“ во Куманово се случила сообраќајна несреќа помеѓу патничко возило „опел“ со кумановски регистарски ознаки, управувано од Г.Р.(50) од Куманово и мотоцикл со кумановски регистарски ознаки, управуван од Џ.А.(18) од Куманово.
Во несреќата со тешки телесни повреди се здобил мотоциклистот, констатирани во Општата болница Куманово.
Извршен бил увид од увидна екипа на СВР Куманово.
Црна хроника
Двајца повредени кога возило излета од патот Градско – Прилеп

Вчера околу 09.00 часот во ОВР Кавадарци е пријавено дека на магистралниот пат Градско-Прилеп, на делница Градско-Фариш, патничко возило „фолксваген голф“ со струмички регистарски ознаки, управувано од М.С.(71) од Струмица, излетало од коловозот.
Во несреќата со тешки телесни повреди се здобил возачот и неговата сопатничка С.С.(73) од Струмица, констатирани во Општата болница Кавадарци.
Извршен бил увид од увидна екипа на ОВР Кавадарци.