Црна хроника
Запленети шишиња со раствор за инјекции на Деве Баир

Царината заплени 133 шишенца со раствор за инјекции со вкупна вредност од 529.872 денари на граничниот премин Деве Баир. Лековите биле пронајдени кај косовски државјанин кој патувал со автобус.
„Мобилен тим на граничен премин Деве Баир при контрола на автобус заплени 133 шишенца со раствор за инјекции Gadovist 1.0 mmol/ml од 15 ml, со вкупна вредност од 529.872 денари, за кои е потребна дозвола за увоз издадена од Бирото за лекови. Непријавените лекови кои се користат за дијагностика на бенигни и малигни заболувања при магнетна резонанца се пронајдени во кеса сместена на патничко седиште и истите биле сопственост на косовски државјанин кој патувал со автобусот“, информираа од Царинската управа.
Од Секторот за контрола и истраги е поднесена кривична пријава против сторителот за сторено кривично дело криумчарење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен битолчанец: бил баран со потерница за казна затвор од пет години

Во Битола вчера во 10.00 часот на ул. „Коста Абрашевиќ“ полициски службеници од СВР Битола го лишиле од слобода В.Р.(42) од Битола.
Тој бил баран со потерница за издржување на казна затвор во траење од пет години за извршени кривични дела по член 215 од КЗ.
Лицето, како што соопшти полицијата е спроведено во Казнено- поправниот дом „Затвор Прилеп“.
Црна хроника
Измамена скопјанка: ѝ кажале дека ќерка ѝ предизвикала сообраќајна несреќа и прегазила дете, па ѝ барале пари

Вчера во 15.30 часот во СВР Скопје, 88-годишна жена од Скопје пријавила дека околу 10 часот била измамена од едно лице за сума од 1.800 евра.
Според пријавеното, машко лице ѝ се јавило телефонски и ѝ кажало дека нејзината ќерка предизвикала сообраќајна несреќа во која прегазила дете и доколку не сака таа да лежи во затвор требало да плати.
Како што е пријавено, таа парите ги оставила на договореното место, а откако се слушнала со нејзината ќерка сфатила дека била измамена.
Се преземаат мерки за расчистување на случајот, велат од полиција.
Црна хроника
Видео од малолетници со експлицитна содржина објавено на социјалните мрежи: случајот го пријавил 17-годишник од кривопаланечко село

Во ОВР Крива Паланка вчера во 09.50 часот, 17-годишник од кривопаланечко село пријавил дека на социјална мрежа било објавено видео од него и друг малолетник со експлицитна содржина.
Полицијата соопшти дека се преземаат мерки за расчистување на случајот.