Црна хроника
Затворена улицата Јордан Мијалков каде што утрово багерист смртно прегази жена
И попладнево остана затворена улицата Јордан Мијалков каде утрово околу 11 часот багерист смртно прегази жена.
Таа го загуби животот на лице место, а Итната помош која пристигнала веднаш, констатирала смрт.
МВР по несреќата објави дека жената е од Скопје, има 66-години и иницијали Л.Ј.
Извесен И.А. од селото Грчец според информациите од полицијата управувал со багерот што ја прегазил жената.
Извршен бил увид од Јавен обвинител и увидна екипа од СВР Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Скопје, приведени двајца дилери
Денеска полициски службеници од СВР Скопје – Единица за недозволена трговија ги лишиле од слобода Ј.Ј.(22) и Д.Д.(47), двајцата од Скопје.
По претходно добиени оперативни сознанија и добиена судска наредба, бил извршен претрес во дом во Скопје, при што биле пронајдени и одземени марихуана и дигитална вага.
Лицата се задржани во полициска станица и по целосно расчистување и документирање на случајот против нив ќе биде поднесена соодветна кривична пријава, соопшти полицијата.
Црна хроника
Скопјанец тешко повреден од струен удар
Вчера во 11.05 часот во СВР Скопје било пријавено дека, при извршување работни задачи за приватна фирма во трафостаница на подрачје на Гази Баба, С.М.(56) од Скопје се здобил со струен удар и бил пренесен во Градската општа болница „Св.Наум Охридски“.
Во болницата му биле констатирани тешки телесни повреди.
За настанот бил известен трудов инспектор, а увид на местото извршила екипа на СВР Скопје.
Црна хроника
Си ги присвоил парите од дневниот промет: кривична за разнесувач на пратки од Кавадарци
СВР Охрид поднесе кривична пријава против М.Ј.(30) од Кавадарци, поради постоење основи на сомнение за сторено кривично дело „затајување“.
На 04.03.2024 пријавениот, како поштенски работник – разнесувач на пратки во правно лице со претставништво во Охрид, паричните средства од дневниот промет неовластено ги присвоил, наместо да ги предаде во тековниот ден на овластено лице за прием на прометот.
Со тоа, пријавениот се стекнал со противправна имотна корист од 92.000 денари.