Црна хроника
За еден ден во Скопје се случиле 20 сообраќајни незгоди
Само во текот на вчерашниот ден на подрачјето на Секторот за внатрешни работи – Скопје се случиле 20 сообраќајни незгоди, од кои една сообраќајна незгода со загинато лице, две со тешки телесни повреди, 10 со лесни телесни повреди и седум со материјална штета, соопштија од полицијата.
Од преземените мерки и активности, од МВР велат дека е констатирано оти 41 возач управувале возила со брзина поголема од дозволената.
„Од сообраќај се исклучени 17 возачи, од кои: 15 возачи управувале возила, без да стекнат право за управување моторно возило и двајца возачи затоа што биле возачи почетници. Исто така, исклучени од сообраќај се и 10 возила бидејќи биле нерегистрирани“, се наведува во соопштението на МВР.
Од МВР додаваат и дека санкционирани се двајца возачи поради поминување на крстосница на црвено светло, еден возач поради недавање првенство на минување на пешаци, тројца поради неправилно престројување и тројца возачи поради неносење заштитен шлем (кацига). Во текот на изминатиот ден издадени се 48 мандатни платни налози, а 51 возило се подигнати со специјално возило „пајак“, додава МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Исчезна 14-годишно девојче од Скопје, случајот го пријавила мајката
Вчера во 20.45 часот во Полициското одделение Шуто Оризари, 44-годишната С.А. од Скопје пријавила дека од семејниот дом се оддалечила нејзината ќерка, 14-годишната С.А. од Скопје, која и претходно се оддалечувала од домот и била враќана.
Се преземаат мерки за пронаоѓање на лицето.
Црна хроника
Исчезна малолетник од Кочани, можно е 16-годишникот да се наоѓа кај пријателка во Берово
Вчера во 13.30 часот во Полициската станица Кочани, 53-годишната В.Т. од Кочани пријавила дека од домот се оддалечил нејзиниот син, 16-годишниот М.Т. од Кочани, извести МВР.
Според пријавеното, можно е малолетникот да се наоѓа кај негова пријателка во Берово. Се преземаат мерки за пронаоѓање на лицето.
Црна хроника
Пожар во куќа во Кичево, нема повредени лица
Денеска во 00.35 часот во Полициската станица Кичево било пријавено дека на улицата „Јордан Пиперката“ во Кичево настанал пожар на затворен балконски простор на вториот кат од куќата сопственост на 69-годишниот Б.П. од Кичево.
Од екипа на Територијалната противпожарна единица Кичево пожарот бил изгаснат, а повредени лица нема, извести МВР.
Извршен бил увид од увидна екипа од ОВР Кичево.