Црна хроника
Земал капар од 6000 евра за стан кој веќе бил продаден: кривична за тетовец поради измама

СВР Тетово поднесе кривична пријава против А.М.(50) од Тетово, поради постоење основано сомнение за сторено кривично дело „измама“.
Пријавениот, во текот на 2019 година земал капар од Р.М. во износ од 5.000 евра за купување на стан, кој веќе бил продаден на друго лице, а на 03.03.2023 му побарал уште 1.000 евра да му бидат испратени преку експозитура за брз трансфер на пари за да ја заврши работата со станот.
Следниот ден оштетениот телефонски стапил во контакт со пријавениот, кој му испратил сметка на име на лице од Битола, а по ова повеќе не се јавувал на телефон, по што оштетениот се посомневал дека е измамен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена и 8-годишно дете во Кочани се повредени откако во нив удрил автомобил

На 11.04.2025 година во 07.34 часот во Полициската станица Кочани било пријавено дека на улицата „Стево Теодосиевски“ во Кочани, патничко возило „Мерцедес“ со кочански регистарски ознаки, управувано од Н.К.(29) удрило во двајца пешаци – С.М.(64) и едно 8-годишно дете, исто така од Кочани.
– Притоа во несреќата С.М. се здобила со тешки телесни повреди констатирани во Клиничка болница Штип, додека малолетното лице се здобило со телесни повреди, констатирани во Општа болница Кочани. За настанот бил известен надлежен јавен обвинител, информира МВР.
Извршен бил увид од увидна екипа од ОВР Кочани.
Црна хроника
Скопјанец најден починат во Центар

Синоќа во 22 часот било пријавено дека во домот на подрачјето на Центар во Скопје бил пронајден починат М.К.(39) од Скопје.
Лекар од Итната медицинска помош Скопје констатирал смрт, а по наредба на јавен обвинител, телото на починатиот било предадено на обдукција.
Црна хроника
Вработен нападнал дете пред влезот на основното училиште во Чаир

Мајка на ученичка во основно училиште во Чаир, пријавила во МВР дека нејзината ќерка била нападната.
„На 10.04.2025 во 23.10 часот во СВР Скопје Ќ.М.(34) од Скопје пријавила дека околу 12.00 часот пред влез на општинско основно училиште на подрачјето на Чаир, нејзината малолетна ќерка била физички нападната од едно вработено лице од училиштето“, велат од МВР.
По целосно документирање на случајот ќе следува соодветен поднесок.