Црна хроника
Измами во Скопје: Ве бараат како наследници на пари, па ги снемува

Вчера во 10.00 часот во СВР Скопје, 63-годишен скопјанец пријавил дека бил измамен за сума од 2.300 евра, од едно лице, кое се претставило дека е од Република Турција.
Според пријавеното, на 25.04.2023 преку социјална мрежа и преку електронска пошта лицето го контактирало и го известило дека бил наследник на поголема сума на пари во банка.
Како што е пријавено, лицето му побарало да испрати лични податоци преку електронска пошта и пари за наводни трошоци.
Исто така, според пријавеното, тој ги испратил личните податоци по меил, а парите преку брз трансфер, по што прекинала комуникацијата со лицето и тој сфатил дека бил измамен.
Се преземаат мерки за расчистување на случајот, соопшти полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
МВР: Над 100 лица уапсени во септември поради поседување наркотични средства, запленета поголема количина дрога

Во рамки на тековните оперативни активности од областа на сузбивање на недозволената трговија со дрога, полициски службеници од различни полициски организациони единици во текот на месец септември, во повеќе различни случаи лишиле од слобода над 100 лица, меѓу кои и неколку малолетници, кај коишто при извршени лични прегледи и прегледи на возила, биле откриени и запленети поголема количина на марихуана, бела грутчеста материја, бела прашкаста материја, кафена прашкаста материја, МДМА таблети, амфетамин, хероин, дробилки.
Исто така, врз основа на извршени претреси во текот на изминатиот месец, покрај откривањето и заплената на одредени количини марихуана, кокаин, хашиш, амфетамин и дробилки, во околу десеттина различни случаи од слобода биле лишени и поднесени кривични пријави против повеќе од 15 лица како осомничени за сторено кривично дело по член 215 од КЗ на РСМ.
Воедно на Граничниот премин „Табановце“ во месец септември при влез во земјава, во неколку одвоени случаи, кај српски, унгарски, австриски и белгиски државјани, исто така беа откриени кокаин, амфетамин и марихуана.
Исто така во текот на септември на регионалниот пат Битола-Прилеп полициски службеници од Одделот за криминалистичка полиција, СВР Битола и САЕ Тигар од Бирото за јавна безбедност при МВР, во рамки на засилените активности во борбата против недозволена трговија со дрога, спречија транспорт на околу 35 килограми марихуана, соопшти МВР.
Црна хроника
52-годишна скопјанка нападната од поранешниот сопруг, кој имал забрана за приближување

Синоќа во 22:00 часот во СВР Скопје, 52-годишна жена од скопско пријавила дека околу 18:20 часот во семејниот дом била физички нападната од нејзиниот поранешен сопруг С.П.(58).
За него Основниот кривичен суд Скопје имал донесено пресуда и издадено решение за забрана за приближување.
Полицијата соопшти дека се преземаат мерки за расчистување на случајот.
Црна хроника
Ја тепал и ја заклучувал вонбрачната сопруга во домот: уапсен тетовец

Вчера во 13:16 часот во Скопје, на подрачјето на Ѓорче Петров, полициски службеници од СВР Скопје го лишија од слобода Џ.Р.(41) од тетовско.
Полицијата постапила по претходна пријава од неговата 38-годишна вонбрачна сопруга, дека на 25.09.2025 во семејниот дом физички ја нападнал и ја заклучувал во домот.
По целосно документирање на случајот ќе следува соодветна кривична пријава, соопшти МВР.