Црна хроника
Измамник од Скопје нудел огревни дрва по поволна цена, ги зел парите и го снемало
Полицијата поднела кривична пријава против 45-годишен скопјанец кој се сомничи за измама. Тој се претставувал како трговец со огревни дрва, истите ги нудел по поволна цена, земал пари а потоа го снемало.
Од страна на Единицата за внатрешни работи Центар и Бит-пазар поднесена е кривична пријава против Н. Д. (45) од Скопје поради основи на сомнение дека сторил кривично дело измама, предвидено и казниво според Кривичниот законик.
Имено, пријавениот на 7.3.2021 во с. Долно Лисиче, Скопско, со намера да стекне противправна имотна корист, на оштетениот В. Ц. од Скопје му се претставил како превозник трговец со огревни дрва нудејќи му огревни дрва по поволна цена ако му позајми 14.500 денари за да ја замени гумата од камионот на кој му се натоварени дрвата за продажба.
Кога ги зел парите, Н. Д. ниту донел дрва ниту се јавувал.
На тој начин го довел во заблуда оштетениот, кој му ги дал парите и еден мобилен телефон на пријавениот, со што Н. Д. стекнал противправна имотна корист од приближно 20.000 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.