Црна хроника
Изутринава на неколку места осамнаа графити за референдумот
Полицијата информира дека изутринава, додека трае изборниот молк, осамнале графити за референдумот на неколку локации.
Околу 6:10 часот е пријавено дека на локален пат село Петровец – село Катланово во близина на училиштето ,,Кочо Рацин“ во село Петровец биле испишани графити во врска со референдумот.
Во 5:55 часот е пријавено дека на училиштето „Александар Здравковски” во село Јегуновце, Тетовско, бил испишан графит во врска со референдумот.
МВР информира и дека околу 00,30 часот при обиколка на полициски службеници било забележано дека во село Мислешево, струшко во близина на гласачко место бил поставен транспарент во врска со референдумот.
Во 2,49 часот, пак, било пријавено дека графит бил испишан пред влезот на културниот дом во село Дељадровци, Скопско.
Вчера на подрачјето на Полициска станица Карпош на неколку локации во близина на Основно училиште „Петар Поп Арсов“, каде било сместено избирачко место за „Референдум 2018“ биле испишани графити во врска со референдумот. Графит бил испишан и во училишниот двор на игралиштето. Исто така графит бил испишан и во дворот на градинката „Пролет“.
На подрачјето на Полициска станица Центар, на улица „50-та Дивизија“ во непосредна близина на влезот во Средно медицинско улишиште „Панче Караѓозов“, бил испишан графит во врска со Референдумот.Во ПС ОН-Карпош, пак, било пријавено дека во непосредна близина на ОУ„Вера Циривири Трена“ каде било сместено Избирачко место за „Референдум 2018“, на ѕидот од зградата бил испишан графит во врска со референдумот. Графит бил испишан и на ул.„Веселин Маслеша“ во непосредна близина на ОУ„Вера Циривири Трена“ каде е сместено Избирачко место за „Референдум 2018“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Фатен шверцер на мигранти
Полицијата рано изутринава кај наплатната рампа Романовце лишила од слобода возач и седум илегални мигранти од Египет. По целосно документирање на случајот ќе биде поднесен соодветен поднесок.
Како што се посочува во информацијата од МВР, околу 2:10 часот на 30 ноември, на автопатот Скопје–Куманово, кај наплатната рампа Романовце, при вршење мото-патролна дејност од страна на полициски службеници од Мобилната единица за безбедност на сообраќајот на патиштата при Секторот за сообраќајни работи, било сопрено патничко моторно возило „фолксваген шаран“ со тетовски регистарски ознаки, управувано од С.И.(44) од Тетово.

При контролата во возилото биле забележани лица кои при легитимирање немале никакви документи за идентификација. Во разговор со возачот, тој посочил дека требало да ги превезе лицата од Гевгелија до Куманово. Во возилото се превезувале седум лица, сите по нивен исказ државјани на Египет, на возраст од 17 до 52 години.
Црна хроника
Поради алкохол и пребрзо возење лишени од слобода тројца возачи
Полициските службеници во изминатите два дена лишија од слобода тројца возачи во Македонска Каменица, Кратово и Куманово поради сериозни прекршоци во сообраќајот.
На улицата „Александар Македонски“ во Македонска Каменица, вчера околу 23 часот полицијата го привела Д.Ј. (54) откако управувал возило „Хјундаи“ под дејство на алкохол. Измерени му биле 2,00 промили алкохол во крвта.
Неколку часа подоцна, однсно ноќеска во 1:59 часот, на улицата „Гоце Делчев“ во Кратово, лишен од слобода е Д.К. (25) кој управувал „Ауди“ со кочански регистарски ознаки. Тестирањето покажало присуство од 1,72 промили алкохол.
Во Куманово, на регионалниот пат кај селото Доброшане, вчера во 14:10 часот, полицијата го привела И.М. (45) кој управувал „Мицубиши“ со брзина од 91 километар на час, на делница каде максимално дозволената брзина е 40 километри на час.
Од МВР соопштија дека по целосно документирање на случаите, против тројцата ќе бидат поднесени кривични пријави за „безобѕирно управување со моторно возило“.
Црна хроника
Охриѓанец со повреди од остар предмет донесен во болница, полицијата работи на случајот
Во СВР Охрид утрово било пријавено дека во Општата болница во Охрид е донесен 34-годишниот С.М. од Охрид, кај кого биле констатирани повреди нанесени со остар предмет, соопштува МВР.
Пријавата била поднесена на 30 ноември 2025 година во 07:45 часот.
Од полицијата информираат дека се преземаат мерки за целосно расчистување на случајот и утврдување на околностите под кои настанале повредите.

