Црна хроника
Истрага за неовластено изнесување марихуана од фабрика за одгледување канабис
Основното јавно обвинителство Битола донесе наредба за спроведување истражна постапка против двајца македонски и еден албански државјанин осомничени за кривично дело неовластено производство и пуштање во промет наркотични дроги, психотропни супстанции и прекурсори од член 215 став 1 во врска со член 22 од Кривичниот законик.
Албанскиот државјанин, основач на правно лице – фабрика за одгледување медицински канабис во битолското село Кравари, неовластено организирал и заради продажба од просториите на фабриката изнел две вреќи со наркотична дрога марихуана. Вреќите ги оставил пред влезот во фабриката, од каде што ги подигнале другите двајца осомничени со автомобил. Кога биле забележани од полициски службеници, тие се обиделе дрогата да ја исфрлат од возилото.
Надлежниот јавен обвинител до судијата на претходна постапка доставил предлог за определување мерка притвор за осомничените, од кои еден е лишен од слобода, а двајца се во бегство. На тројцата, како што соопштија надлежните, им е определен притвор во траење од 30 дена, при што за двете лица, кои се во бегство, притворот ќе почне да се смета од нивното пронаоѓање и лишување од слобода.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Играл на апарати и потрошил 50.000 денари од прометот: кривична за вработен во обложувалница во Тетовско
СВР Тетово поднесе кривична пријава против Б.И. (31) од тетовско, поради постоење основи на сомнение за сторено кривично дело „затајување“.
На 17.07.2024 во спортска обложувалница, во која пријавениот бил вработен, играл на апарати, при што потрошил 50.000 денари од прометот.
Црна хроника
Ја претепал неговата партнерка и ја врзал: семејно насилство во Гостиварско
Надворешната канцеларија за криминалистички работи Гостивар поднесе кривична пријава против Ф.Н.(29) од с.Градец.
Тој според полицијата се сомничи за сторено кривично дело „противправно лишување од слобода“ во врска со семејно насилство.
Имено на 27.07.2024 во неговата куќа во гостиварско, пријавениот физички ја нападнал неговата 25 – годишна партнерка ѝ ги одзел мобилниот телефон и патната исправа и ја врзал.
Црна хроника
Приведено лице барано со потерница за затворска казна од пет години
Околу 14.10 часот на ул.„Ѓорче Петров“ во Скопје, полициски службеници од Оперативен тим потраги при СВР Скопје го лишиле од слобода Р.Р.(50) од Скопје. Тој бил баран по централна потерница врз основа на наредба од Основен кривичен суд Скопје за издржување казна затвор во траење од пет години за сторено кривично дело „тешка телесна повреда“ по член 131 став 2 од Кривичниот законик.
Лицето ќе биде спроведено во надлежната казнено – поправна установа за издржување на казната.