Црна хроника
Истрага против дилер на кокаин од Скопје

22-годишно лице од Скопје е под истрага поради сомнение дека сторил кривично дело – неовластено производство и пуштање во промет наркотични дроги, психотропни супстанции и прекурсори.
Според надлежните, осомничениот 22-годишник неовластено, заради продажба, кај себе држел 98,98 грама наркотична дрога кокаин, спакувана во една полиетиленска кеса.
Дрогата била откриена на 21 декември кога полициски службеници се обиделе да го запрат возилото со кое управувал осомничениот пред Градската општа болница „Св. Наум Охридски“ во Скопје. Тој не застанал и со автомобилот продолжил да се движи.
По претходна објава по радиоврска, автомобилот го забележал и го сопрел друг полициски службеник на булеварот ВМРО. Притоа осомничениот се обидел да го фрли пакувањето со дрога во средишната жардиниера на булеварот и да побегне, но бил спречен во намерата и приведен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Претрес во валандовско, пронајдена дрога, приведено едно лице

Синоќа во селото Марвинци, валандовско, полицијата го приведе К.А.(34) од село Марвинци.
При претрес на неговиот дом, извршен со судска наредба, биле пронајдени бела прашкаста материја, предмети со остатоци од бела прашкаста материја, шприц и мало шише исполнети со течност.
За настанот е запознаен јавен обвинител од Основното јавно обвинителство Гевгелија, а по документирање на случајот против К.А. ќе биде поснесена соодветна пријава.
Црна хроника
Тешко повреден мотоциклист од Куманово по судир со возило

Во СВР Куманово синоќа околу 20.30 часот е пријавено дека на крстосница од ул.„Тоде Мендол“ и ул.„1“ во Куманово се случила сообраќајна несреќа помеѓу патничко возило „опел“ со кумановски регистарски ознаки, управувано од Г.Р.(50) од Куманово и мотоцикл со кумановски регистарски ознаки, управуван од Џ.А.(18) од Куманово.
Во несреќата со тешки телесни повреди се здобил мотоциклистот, констатирани во Општата болница Куманово.
Извршен бил увид од увидна екипа на СВР Куманово.
Црна хроника
Двајца повредени кога возило излета од патот Градско – Прилеп

Вчера околу 09.00 часот во ОВР Кавадарци е пријавено дека на магистралниот пат Градско-Прилеп, на делница Градско-Фариш, патничко возило „фолксваген голф“ со струмички регистарски ознаки, управувано од М.С.(71) од Струмица, излетало од коловозот.
Во несреќата со тешки телесни повреди се здобил возачот и неговата сопатничка С.С.(73) од Струмица, констатирани во Општата болница Кавадарци.
Извршен бил увид од увидна екипа на ОВР Кавадарци.