Црна хроника
Казни за 202 возачи во Скопје, 64 за брзо возење
![](https://makfax.com.mk/wp-content/uploads/2023/01/policija-brzo-vozenje-1.jpg)
СВР Скопје вчера на територија на Скопје изрече вкупно 202 мерки, меѓу кои за возење повеќе од дозволената брзина 64 санкции, 15 мерки за возење без возачка дозвола, осум санкции за прекршоци што ги прават возачите на мотоцикл, четири санкции за возење под дејство на алкохол.
„Изречени се девет мерки за користење мобилен телефон при возење, 12 санкции за непочитување на првенство на минување, седум мерки за минување на затворн сигнал (црвено светло), шест санкции за технички неисправни и нерегистрирани возила, пет мерки за некористење сигурносен појас“, велат од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Штипјанец се шетал со пластичен пиштол и се заканувал на улица
![](https://makfax.com.mk/wp-content/uploads/2023/03/policija-5.jpg)
Полицијата синоќа во Штип го приведе 20-годишниот Ф.Д., од селото Стар Караорман, Штипско.
Според пријавеното, околу 21.30 часот на улицата Сремски Фронт во Штип тој агресивно се однесувал кон лица од Скопје и им се заканил со пиштол.
Лицето било задржано во полициска станица и од него бил одземен пластичен пиштол со метални додатоци, објави МВР во дневниот билтен.
По целосно документирање на случајот ќе следува соодветна пријава.
Црна хроника
Тинејџер од Охрид ја нападнал својата 67-годишна баба, приведен е
![](https://makfax.com.mk/wp-content/uploads/2023/09/zena-2.jpg)
Полицијата вчера го приведе А.Ј.(19) од Охрид, постапувајќи по претходна пријава дека околу 10.00 часот во домот физички ја нападнал својата 67-годишна баба.
По целосно документирање на случајот ќе следува соодветен поднесок, велат од МВР.
Црна хроника
Работник се повредил при работа на патот Гостивар-Кичево, приведено е едно лице за случајот
![](https://makfax.com.mk/wp-content/uploads/2024/03/koridor8.jpg)
Дваесет и деветгодишниот Р.Н., од гостиварски Стар Балин Дол бил хоспитализиран со тешки повреди во текот на вчерашниот ден.
Според пријавеното, тој се здобил со повредите при извршување градежни работи на новиот магистрален пат Гостивар – Кичево од „Коридор 8“.
„Во врска со настанот, од слобода бил лишен А.М.(31) од Република Турција со привремен престој во Гостивар. Екипа од ОВР Гостивар извршила увид на местото и за настанот бил запознаен трудов инспектор“, велат од МВР.
Се преземаат мерки за расчистување на случајот.